ಮೈಸೂರು: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಸಂಚರಿಸುತ್ತಿದ್ದ ಕಾರು ತಡೆದ ಚುನಾವಣೆ ಚೆಕ್ ಪೋಸ್ಟ್ ಸಿಬ್ಬಂದಿ ತಪಾಸಣೆ ಮಾಡಿದರು.
ಸಿದ್ದರಾಮಯ್ಯ ಕಾರ್ ಚೆಕ್ ಮಾಡಿದ ಚುನಾವಣೆ ಸಿಬ್ಬಂದಿ
ಬಿಳಿಕೆರೆ ಹೋಬಳಿ ಬಳಿಯ ಇರುವ ಮನುಗನಹಳ್ಳಿ ಚೆಕ್ ಪೋಸ್ಟ್ನಲ್ಲಿ ಸಿದ್ದರಾಮಯ್ಯ ಅವರ ಕಾರು ತಡೆದಾಗ, "ಚೆಕ್ ಮಾಡ್ರಯ್ಯ ಬೇಗ, ಹುಡ್ಕೊಳ್ರಪ್ಪಾ ಹುಡ್ಕೊಳ್ಳಿ, ತಗೊಳ್ರಿ ಅದೇನೇನಿದೆ" ಅಂತಾ ತಮಾಷೆ ಮಾಡುತ್ತಲೇ ಚುನಾವಣಾಧಿಕಾರಿಗಳಿಗೆ ತಪಾಸಣೆಗೆ ಅನುವು ಮಾಡಿಕೊಟ್ಟರು. ಬಳಿಕ ನಿಮ್ಮ ಕರ್ತವ್ಯ ನೀವು ಮಾಡಿ ಎಂದು ಹೇಳಿ ಅಲ್ಲಿಂದ ಹೊರಟರು.
ಕಾರಿನಲ್ಲಿ ಸಿದ್ದರಾಮಯ್ಯ ಜೊತೆ ಮಾಜಿ ಸಚಿವ ಡಾ. ಎಚ್. ಸಿ. ಮಹದೇವಪ್ಪ, ಶಾಸಕ ಅನಿಲ್ ಚಿಕ್ಕಮಾದು, ಮಾಜಿ ಶಾಸಕ ಎಂ.ಕೆ.ಸೋಮಶೇಖರ್ ಕೂಡ ಇದ್ದರು. ಕಾರಿನ ಟ್ರಂಕ್‌ ತೆರೆಸಿ ಸಂಪೂರ್ಣ ಪರಿಶೀಲನೆ ನಡೆಸಲಾಯಿತು. ನಂತರ ಅದೇ ಮಾರ್ಗವಾಗಿ ಬಂದ ಜೆಡಿಎಸ್ ಅಭ್ಯರ್ಥಿ ಸೋಮಶೇಖರ್ ಅವರ ಕಾರನ್ನೂ ಚುನಾವಣಾ ಸಿಬ್ಬಂದಿ ಪರಿಶೀಲನೆ ನಡೆಸಿದರು.
