ರೌಡಿ ಸಾಮ್ರಾಜ್ಯ ನಿರ್ಮಿಸಲು ಮಂಡ್ಯದಲ್ಲಿ ಹರಿಯಿತು ನೆತ್ತರು: ಮೂರೇ ದಿನಕ್ಕೆ ಆರೋಪಿ ಅಂದರ್​

ಆಗಸ್ಟ್​​​ ಏಳರಂದು ಮಂಡ್ಯದ ಮಳವಳ್ಳಿ ತಾಲೂಕಿನಲ್ಲಿ ನಡೆದಿದ್ದ ರಾಮು ಎಂಬಾತನ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಏಂಟು ಮಂದಿ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

ಮಂಡ್ಯ: ಹಲಗೂರು ರಾಮು ಕೊಲೆ ಪ್ರಕರಣ ಸಂಬಂಧ 8 ಮಂದಿ ಆರೋಪಿಗಳನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಆಗಸ್ಟ್‌ 7ರಂದು ನಡೆದಿದ್ದ ಬರ್ಬರ ಹತ್ಯೆ ಮಳವಳ್ಳಿ ತಾಲೂಕಿನಲ್ಲಿ ಭಯದ ವಾತಾವರಣ ನಿರ್ಮಾಣ ಮಾಡಿತ್ತು. ಪ್ರಕರಣ ದಾಖಲು ಮಾಡಿಕೊಂಡಿದ್ದ ಹಲಗೂರು ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.

ಪ್ರಕರಣ ಸಂಬಂಧ ಆರೋಪಿಗಳಾದ ಪ್ರಮೋದ್, ರಾಹುಲ್ ನಾಯಕ್, ಜನಾರ್ದನ್​, ದರ್ಶನ್, ಮುತ್ತುರಾಜು, ಖಾಲಿದ್ ಅಹಮದ್, ಸುಹಾನ್ ಹಾಗೂ ಕೀರ್ತಿ ಎಂಬುವರನ್ನು ಬಂಧಿಸಿ ಹೆಚ್ಚಿನ ವಿಚಾರಣೆಗಾಗಿ ವಶಕ್ಕೆ ಪಡೆದುಕೊಂಡಿದ್ದಾರೆ.

ಭಯ ಹುಟ್ಟಿಸಲು ನಡೆದಿತ್ತು ಕೊಲೆ:

ಬಾರ್‌ವೊಂದರ ಗಲಾಟೆ ಸಂಬಂಧ ರೌಡಿಶೀಟರ್ ಕೀರ್ತಿ ಕುಮ್ಮಕ್ಕಿನ ಮೇರೆಗೆ ರಾಮುವನ್ನು ಹತ್ಯೆ ಮಾಡಲಾಗಿತ್ತು. ಹತ್ಯೆ ಮಾಡಿ ರೌಡಿ ಸಾಮ್ರಾಜ್ಯ ಕಟ್ಟುವ ಕನಸು ಕಂಡಿದ್ದರಂತೆ ಈ ದುಷ್ಕರ್ಮಿಗಳು. ಗಲಾಟೆ ಪ್ರಕರಣವನ್ನೇ ಮುಂದಿಟ್ಟುಕೊಂಡು ಕೀರ್ತಿ ಕುಮ್ಮಕ್ಕಿನ ಮೇರೆಗೆ ಹತ್ಯೆ ನಡೆದಿತ್ತು ಎನ್ನಲಾಗಿದೆ.. ಪ್ರಕರಣ ನಡೆದ 3 ದಿನಗಳಲ್ಲಿಯೇ ಆರೋಪಿಗಳನ್ನು ಪೊಲೀಸರು ಚನ್ನಪಟ್ಟಣದ ಬಸ್ ನಿಲ್ದಾಣದಲ್ಲಿ ಬಂಧಿಸಿದ್ದರು.