ಕೈಕೊಟ್ಟ ವಿದ್ಯುತ್: ಮದ್ದೂರಲ್ಲಿ ಕೆಲ ಹೊತ್ತು ನಿಂತ ಮೆಮು ರೈಲು... ಪ್ರಯಾಣಿಕರ ಪರದಾಟ

ಮದ್ದೂರು ರೈಲ್ವೆ ನಿಲ್ದಾಣದಲ್ಲಿ ಸಿಂಗಲ್ ಫೇಸ್​ ವಿದ್ಯುತ್​ ಸಮಸ್ಯೆಯಿಂದಾಗಿ ರೈಲು ನಿಲ್ದಾಣದಲ್ಲಿಯೇ ಮೆಮು ರೈಲು ಕೆಲ ಹೊತ್ತು ಸ್ಥಗಿತಗೊಂಡಿತು. ಇದರಿಂದ ಪ್ರಯಾಣಿಕರು ಪರದಾಡುವಂತಾಯಿತು.

ಮಂಡ್ಯ: ವಿದ್ಯುತ್ ಸಮಸ್ಯೆಯಿಂದ ಮೆಮು ರೈಲು ಸಂಚಾರದಲ್ಲಿ ವ್ಯತ್ಯಯ ಉಂಟಾದ ಘಟನೆ ಮದ್ದೂರು ರೈಲ್ವೆ ನಿಲ್ದಾಣದಲ್ಲಿ ನಡೆದಿದೆ.

ರೈಲು ಸಂಚಾರದಲ್ಲಿ ಉಂಟಾದ ಸಮಸ್ಯೆಯಿಂದ ಪ್ರಯಾಣಿಕರು ಸುಮಾರು ಒಂದು ಗಂಟೆಗೂ ಅಧಿಕ ಸಮಯ ಪರದಾಡಿದರು. ಸಿಂಗಲ್ ಫೇಸ್​ ಸಮಸ್ಯೆ ಉಂಟಾಗಿ ಮದ್ದೂರು ರೈಲು ನಿಲ್ದಾಣದಲ್ಲಿಯೇ ಮೆಮು ರೈಲು ನಿಲಬೇಕಾಯಿತು. ಇದರಿಂದ ಹೈರಾಣಾದ ಪ್ರಯಾಣಿಕರು, ಈ ಬಗ್ಗೆ ಯಾವುದೇ ಮಾಹಿತಿ ನೀಡದೆ ರೈಲ್ವೆ ನಿಲ್ದಾಣದ ಅಧಿಕಾರಿಗಳ ವಿರುದ್ಧ ಆಕ್ರೋಶ ಹೊರ ಹಾಕಿದರು.