ಮಂಡ್ಯದಲ್ಲಿ ಒಂದೇ ದಿನ ಮೂರು ಮಕ್ಕಳು ಸೇರಿ 13 ಮಂದಿಗೆ ಕೊರೊನಾ ದೃಢ

ಇಂದು ಒಂದೇ ದಿನ ಮಂಡ್ಯದಲ್ಲಿ ಮೂವರು ಮಕ್ಕಳು ಸೇರಿದಂತೆ 13 ಮಂದಿಯಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿದೆ. ಇವರೆಲ್ಲಾ ಮುಂಬೈನಿಂದ ಆಗಮಿಸಿ ನೇರವಾಗಿ ಕ್ವಾರಂಟೈನ್ ಆಗಿದ್ದು, ಮಿಮ್ಸ್‌ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಮಂಡ್ಯ: ಜಿಲ್ಲೆಯಲ್ಲಿ ಇಂದು ಒಂದೇ ದಿನ ಮೂವರು ಮಕ್ಕಳು ಸೇರಿದಂತೆ 13 ಮಂದಿಯಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದ್ದು, ಇವರೆಲ್ಲರೂ ಮುಂಬೈನಿಂದ ಬಂದವರಾಗಿದ್ದಾರೆ.

ಮಂಡ್ಯ ಕೊರೊನಾ ಸೋಂಕಿತರ ವಿವರಣೆಯ ಪ್ರತಿ

ಸಂಜೆ ಬಂದ ವರದಿಯಿಂದ ಕೆ.ಆರ್. ಪೇಟೆ ಹಾಗೂ ನಾಗಮಂಗಲ ತಾಲೂಕಿನ ಜನರಲ್ಲಿ ಆತಂಕ ಉಂಟಾಗಿದೆ. ಪಿ-1044 ರಿಂದ ಪಿ- 1056ರವರೆಗೂ ಜಿಲ್ಲೆಯ ರೋಗಿಗಳಿ ಆಗಿದ್ದು, ಇವರೆಲ್ಲಾ ಮುಂಬೈನಿಂದ ಬಂದು ನೇರವಾಗಿ ಕ್ವಾರಂಟೈನ್ ಆಗಿದ್ದರು. ಇವರಲ್ಲಿ 6 ವರ್ಷ, 9 ವರ್ಷ ಹಾಗೂ 15 ವರ್ಷದ ಮಕ್ಕಳಿದ್ದು, ಎಲ್ಲರಿಗೂ ಮಿಮ್ಸ್‌ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಜಿಲ್ಲೆಯಲ್ಲಿ ಒಟ್ಟು 49 ಪ್ರಕರಣ ಪತ್ತೆಯಾಗಿದ್ದು, ಇವರಲ್ಲಿ 19 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಆಗಿದ್ದಾರೆ. ಪ್ರಸ್ತುತ, 30 ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ.