ಒಂದೇ ದಿನ 28 ಪ್ರಕರಣ ದಾಖಲು: ಸಕ್ಕರೆ ಜಿಲ್ಲೆಯಲ್ಲಿ ಮುಂದುವರಿದ ಕಹಿ ಘಟನೆ

ಕರ್ನಾಟಕದಲ್ಲಿ ಕೊರೊನಾ ವೈರಸ್‌ ರುದ್ರನರ್ತನ ಮುಂದುವರೆದಿದೆ. ಇನ್ನು ಸಕ್ಕರೆ ಜಿಲ್ಲೆ ಮಂಡ್ಯದಲ್ಲಿ ಸಾಧಾರಣ ಹಂತದಲ್ಲಿದ್ದ ಸೋಂಕಿತರ ಸಂಖ್ಯೆ ಇಂದು ಭಾರೀ ಬದಲಾವಣೆಗೆ ಬಂದು ನಿಂತಿದೆ.

ಮಂಡ್ಯ: ಸಕ್ಕರೆ ಜಿಲ್ಲೆಯಲ್ಲಿ ಕೊರೊನಾ ರಣಕೇಕೆ ಮುಂದುವರೆದಿದೆ. ಮುಂಬೈ ಸೋಂಕು ಜಿಲ್ಲೆಯಲ್ಲಿ ದಾಖಲೆ ಬರೆದಿದೆ. ಇಂದು ಜಿಲ್ಲೆಯಲ್ಲಿ 28 ಹೊಸ ಪಾಸಿಟಿವ್ ಪ್ರಕರಣ ಕಂಡು ಬಂದಿದ್ದು, ಪ್ರಕರಣಗಳ ಸಂಖ್ಯೆ 237 ಕ್ಕೇರಿದೆ.

ಮಂಡ್ಯದಲ್ಲಿ ಒಂದೇ ದಿನ 28 ಪ್ರಕರಣ ದಾಖಲು

ಕಳೆದ 15 ದಿನಗಳ ಹಿಂದೆ ಕೇವಲ 25 - 30 ಪ್ರಕರಣಗಳಿದ್ದ ಜಿಲ್ಲೆಯಲ್ಲಿ ವಲಸಿಗರು ಹೆಚ್ಚಾಗುತ್ತಿದ್ದಂತೆ ಸೋಂಕಿತರ ಸಂಖ್ಯೆ ದ್ವಿಶತಕದ ಗಡಿ (237) ದಾಟಿದೆ. ಈ ಸೋಂಕಿತರೆಲ್ಲರೂ ಮುಂಬೈ ವಲಸಿಗರಾಗಿದ್ದಾರೆ. ಹೆಚ್ಚಿನದಾಗಿ ಕೆ.ಆರ್.ಪೇಟೆ ತಾಲೂಕಿನವರಾಗಿದ್ದು, ಒಂದೇ ತಾಲೂಕಿನಿಂದಲೇ 150 ಮಂದಿ ಸೋಂಕಿತರಿದ್ದಾರೆ.