ಕೊಪ್ಪಳ: ಅಯೋಧ್ಯೆಯಲ್ಲಿ ನಿರ್ಮಾಣವಾಗಲಿರುವ ಶ್ರೀರಾಮ ಮಂದಿರದ ಶಿಲಾನ್ಯಾಸಕ್ಕಾಗಿ ಜಿಲ್ಲೆಯಿಂದ ಕಳುಹಿಸಲಾಗುತ್ತಿರುವ ಪವಿತ್ರ ಶಿಲೆ, ಜಲ ಹಾಗೂ ಮೃತ್ತಿಕೆಗೆ ಗವಿಮಠದಲ್ಲಿ ವಿಶೇಷ ಪೂಜೆ ಸಲ್ಲಿಸಲಾಯಿತು.
ಕೊಪ್ಪಳದಿಂದ ರಾಮಮಂದಿರ ಶಿಲಾನ್ಯಾಸಕ್ಕೆ ಕಳುಹಿಸಲಾಗುತ್ತಿರುವ ಪವಿತ್ರ ಶಿಲೆ, ಜಲ ಹಾಗು ಮೃತ್ತಿಕೆಗೆ ಪೂಜೆ
ಶ್ರೀರಾಮಸೇನೆ ವತಿಯಿಂದ ಐತಿಹಾಸಿಕ ಅಂಜನಾದ್ರಿ ಪರ್ವತದಿಂದ ಶಿಲೆ, ಚಕ್ರತೀರ್ಥದಿಂದ ಜಲ ಹಾಗೂ ಪವಿತ್ರ ಮೃತ್ತಿಕೆಯನ್ನು ಅಯೋಧ್ಯೆಗೆ ಕಳುಹಿಸಲಾಗುತ್ತಿದೆ.
ಈ ವೇಳೆ ಮಾತನಾಡಿದ ಮುತಾಲಿಕ್, ಪವಿತ್ರ ಕ್ಷೇತ್ರ ಅಂಜನಾದ್ರಿಯಿಂದ ತೆಗೆದುಕೊಂಡಿರುವ ಶಿಲೆ, ಜಲ ಹಾಗೂ ಮೃತ್ತಿಕೆಗೆ ಈಗಾಗಲೇ ಕೆಲವೆಡೆ ಪೂಜೆ ಸಲ್ಲಿಸಲಾಗಿದೆ. ಕೋವಿಡ್ ಹಿನ್ನೆಲೆಯಲ್ಲಿ ಅಯೋಧ್ಯೆಗೆ ತೆರಳಲು ಅನುಮತಿ ದೊರಕಿಲ್ಲ. ಹೀಗಾಗಿ ಉಡುಪಿ ಶ್ರೀಗಳ ಮೂಲಕ ಅಯೋಧ್ಯೆಗೆ ತಲುಪಿಸಲಾಗುತ್ತದೆ ಎಂದರು.
