ಗಂಗಾವತಿ: ಹದಗೆಟ್ಟು ಹೋಗಿದ್ದ ರಸ್ತೆಯಿಂದ ರೋಸಿ ಹೋಗಿದ್ದ ಯುವಕರು ರಸ್ತೆಯಲ್ಲಿಯೇ ಭತ್ತದ ನಾಟಿ ಮಾಡಿ ವ್ಯಂಗ್ಯ ಮಾಡುವ ಮೂಲಕ ಆಕ್ರೋಶ ಹೊರಹಾಕಿದ್ದರು. ಇದರಿಂದ ಎಚ್ಚೆತ್ತ ಶಾಸಕ ಬಸವರಾಜ ದಢೇಸ್ಗೂರು ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ ನೀಡಿದ್ದಾರೆ.
ಸಾಮಾಜಿಕ ಜಾಲತಾಣಗಳಲ್ಲಿ ಈ ಸುದ್ದಿ ವೈರಲ್ ಆಗುತ್ತಿದ್ದಂತೆಯೇ ಎಚ್ಚೆತ್ತ ಶಾಸಕರು, ಕಾರಟಗಿ ತಾಲೂಕಿನ ಸಿದ್ದಾಪುರ ಹೋಬಳಿಯ ಉಳೇನೂರು-ನಂದಿಹಳ್ಳಿ ರಸ್ತೆಯ ಸುಧಾರಣೆಗೆ ಚಾಲನೆ ನೀಡಿದ್ದಾರೆ.
ಯುವಕರ ವಿಭಿನ್ನ ಪ್ರತಿಭಟನೆಗೆ ಮಣಿದ ಶಾಸಕರು
ಈ ಹಿಂದೆ ಪ್ರಕಟ ಆಗಿದ್ದ ಸುದ್ದಿ: ಹದಗೆಟ್ಟ ರಸ್ತೆ ಮಳೆಯಿಂದ ಮತ್ತಷ್ಟು ಎಕ್ಕುಟ್ಹೋಯ್ತು.. ಸಸಿನೆಟ್ಟು ಯುವಕರಿಂದ ವ್ಯವಸ್ಥೆಯ ಅಣುಕು..
ಕಾಮಗಾರಿ ಆರಂಭಿಸಲಾದ ಸ್ಥಳಕ್ಕೆ ಶಾಸಕ ಬಸವರಾಜ ಅವರ ಪುತ್ರ ಕೊಪ್ಪಳ ಜಿಲ್ಲಾ ಬಿಜೆಪಿ ಯುವ ಮೋರ್ಚಾದ ಉಪಾಧ್ಯಕ್ಷ ಮೌನೇಶ ದಢೇಸ್ಗೂರು, ಉಳೇನೂರು ಗರಾಮ ಪಂಚಾಯಿತಿ ಅಧ್ಯಕ್ಷ ಧನಂಜಯ ಸೇರಿದಂತೆ ಮುಖಂಡರು ಆಗಮಿಸಿ ಕಾಮಗಾರಿ ವೀಕ್ಷಿಸಿದರು.
