ನಾಳೆಯಿಂದ ಬಸ್ ಸಂಚಾರ: ಕೊಪ್ಪಳದ ನಿಲ್ದಾಣಗಳಲ್ಲಿ ಸ್ವಚ್ಛತಾ ಕಾರ್ಯ

ಕೊರೊನಾ ಲಾಕ್​ಡೌನ್​ ಕಾರಣ ಸ್ಥಗಿತಗೊಂಡಿದ್ದ ಬಸ್​ ಸಂಚಾರ ನಾಳೆಯಿಂದ ಪುನಾರಂಭಗೊಳ್ಳುತ್ತಿದೆ. ಈ ನಿಟ್ಟಿನಲ್ಲಿ ರಾಜ್ಯದ ಎಲ್ಲಾ ಜಿಲ್ಲೆಗಳು ಸಿದ್ಧತೆ ನಡೆಸಿವೆ. ಕೊಪ್ಪಳದಲ್ಲೂ ನಾಳೆ ಬಸ್​ ಸಂಚಾರ ಪುನಾರಂಭಗೊಳ್ಳುತ್ತಿದೆ.

ಕೊಪ್ಪಳ: ಕೊರೊನಾ ಅನ್‌ಲಾಕ್​ನ ಭಾಗವಾಗಿ ನಾಳೆಯಿಂದ ಬಸ್ ಸಂಚಾರ ಆರಂಭವಾಗುತ್ತಿದೆ. ಈ ನಿಟ್ಟಿನಲ್ಲಿ ಕೊಪ್ಪಳದ ಬಸ್ ನಿಲ್ದಾಣಗಳನ್ನು ಸಿಬ್ಬಂದಿ ಸ್ವಚ್ಛಗೊಳಿಸುತ್ತಿದ್ದಾರೆ.

ಕೊಪ್ಪಳ ಜಿಲ್ಲೆಯ ಐದು ಬಸ್ ಡಿಪೋಗಳಿಂದ‌ ಬಸ್ ಸಂಚಾರ ಪುನಾರಂಭವಾಗಲಿದೆ. ನಾಳೆ ಮೊದಲ ದಿನ 150 ಕ್ಕೂ ಅಧಿಕ ಬಸ್​ಗಳ ಓಡಾಟ ನಡೆಯಲಿದೆ. ಜಿಲ್ಲೆಯಲ್ಲಿ ಒಟ್ಟು 410 ಬಸ್ ಸಂಚಾರದ ಮಾರ್ಗಗಳಿದ್ದು ಹಗಲು ಸಂಚರಿಸುವ ಬಸ್​ಗಳ ಓಡಾಟಕ್ಕೆ ಸಿದ್ದತೆ ಮಾಡಿಕೊಳ್ಳಲಾಗಿದೆ.

ಗ್ರಾಮೀಣ ಭಾಗದಲ್ಲಿ ವಾಸ್ತವ್ಯ ಹೂಡುವ ಬಸ್​ಗಳ ಸಂಚಾರವಿಲ್ಲ ಹಾಗೂ ರಾತ್ರಿ ಸಂಚರಿಸುವ ಬಸ್​ಗಳ ಓಡಾಟವಿರುವುದಿಲ್ಲ. ನಿಲ್ದಾಣದಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕಾಗುತ್ತದೆ‌. ಕಳೆದ ವರ್ಷದಂತೆಯೇ ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಬಸ್ ನಿಲ್ದಾಣದಲ್ಲಿ ಮಾರ್ಕ್ ಮಾಡಲಾಗಿದೆ.