ಗಂಗಾವತಿ: ತಾಲೂಕಿನ ಆನೆಗೊಂದಿಗೆ ಆಂಧ್ರಪ್ರದೇಶದಿಂದ ಮೇ 15 ರಂದು ಬಂದಿದ್ದ ಇಬ್ಬರು ವ್ಯಕ್ತಿಗಳು ನಾಪತ್ತೆಯಾಗಿದ್ದು ಅಸಲಿಗೆ ಕ್ವಾರಂಟೈನ್ಗೆ ಒಳಪಡಿಸಬೇಕಿದ್ದ ಈ ಇಬ್ಬರು ಈಗ ಎಲ್ಲಿಗೆ ಹೋಗಿದ್ದಾರೆ ಎಂಬ ಅಂಶ ಗ್ರಾಮದಲ್ಲಿ ಸಾಕಷ್ಟು ಗೊಂದಲಕ್ಕೆ ಕಾರಣವಾಗಿದೆ.
ಮೇ 15 ರಂದು ಆಂಧ್ರದಿಂದ ಆನೆಗೊಂದಿಗೆ ಆಗಮಿಸಿದ್ದ ಈ ದಂಪತಿ ಮೂರು ದಿನ ಮನೆಯಲ್ಲಿಯೇ ಇದ್ದಾರೆ. ಬಳಿಕ ಈ ಮಾಹಿತಿ ಅಧಿಕಾರಿಗಳ ಗಮನಕ್ಕೆ ಬಂದಿದ್ದು, ಅಧಿಕಾರಿಗಳು ಅವರ ಮನೆಗೆ ಹೋಗಿ ವಿಚಾರಣೆ ಮಾಡಿದ್ದಾರೆ. ತಕ್ಷಣ ಸಾಂಸ್ಥಿಕ ಕ್ವಾರಂಟೈನ್ಗೆ ಒಳಪಡಬೇಕು ಎಂದು ತಾಕೀತು ಮಾಡಿದ್ದಾರೆ. ಆದ್ರೆ ಕ್ವಾರಂಟೈನ್ಗೆ ಒಳಪಡಲು ಎರಡು ಗಂಟೆ ಸಮಯದ ಅವಕಾಶ ಕೇಳಿದ ಈ ಇಬ್ಬರು, ಬಳಿಕ ನಾಪತ್ತೆಯಾಗಿದ್ದಾರೆ ಎನ್ನಲಾಗಿದೆ. ಎಲ್ಲಿಗೆ ಹೋಗಿದ್ದಾರೆ?, ಹೇಗೆ ಹೋಗಿದ್ದಾರೆ? ಎಂಬ ಯಾವ ಅಂಶಗಳನ್ನೂ ಅಧಿಕಾರಿಗಳು ಸಂಗ್ರಹಿಸುತ್ತಿಲ್ಲ ಎಂದು ಗ್ರಾಮಸ್ಥರು ಆತಂಕ ವ್ಯಕ್ತಪಡಿಸಿದ್ದಾರೆ.
