ಕೋಲಾರ: ಜೈಪುರ್ನಲ್ಲಿ ಕ್ಯಾಸಿನೋ ಹಾಗೂ ಕ್ಯಾಸಿನೋ ಪಾರ್ಟಿಯಲ್ಲಿ ಭಾಗಿಯಾಗಿದ್ದ ವೇಳೆ ಪೊಲೀಸರು ದಾಳಿ ನಡೆಸಿದ್ದು, ಕೋಲಾರದ ಏಳು ಮಂದಿ ದೊಡ್ಡ ವ್ಯಕ್ತಿಗಳನ್ನು ಬಂಧಿಸಲಾಗಿದೆ.
ಕೋಲಾರ ಸೈಬರ್ ಕ್ರೈಂ ಇನ್ಸ್ಪೆಕ್ಟರ್ ಆಂಜಿನಪ್ಪ, ಶಿಕ್ಷಕ ರಮೇಶ್, ವ್ಯಾಪಾರಿ ಸುಧಾಕರ್, ಕೋಲಾರ ನಗರಸಭೆ ಸದಸ್ಯ ಸತೀಶ್, ಹಾಗೂ ಬಿಜೆಪಿ ಮುಖಂಡ ರಾಜೇಶ್, ಕೆಎಎಸ್ ಅಧಿಕಾರಿ ಶ್ರೀನಾಥ್ ಬಂಧಿತರು.
ಜೈಪುರದ ಸ್ಪೆಷಲ್ ಕ್ರೈಂ ಬ್ರಾಂಚ್ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದು, ಜೈಪುರದ ಸಾಯಿಪುರ ಫಾರ್ಮ್ ಹೌಸ್ ನಲ್ಲಿ ನಡೆಯುತ್ತಿದ್ದ ಜೂಜಾಟ ಹಾಗೂ ಆಶ್ಲೀಲ ನೃತ್ಯದ ಅಡ್ಡೆ ಮೇಲೆ ಶನಿವಾರ ದಾಳಿ ಮಾಡಿದ್ದಾರೆ.
ದೆಹಲಿ ಮೂಲದ ಈವೆಂಟ್ ಕಂಪನಿ ಆಯೋಜಿಸಿದ್ದ ಹೈಪ್ರೊಫೈಲ್ ಪಾರ್ಟಿ ಇದಾಗಿದೆ. ಈ ಪಾರ್ಟಿಗೆ ತಲಾ 2 ಲಕ್ಷ ರೂಪಾಯಿ ಚಾರ್ಜ್ ಮಾಡಲಾಗಿತ್ತು. 14 ವಿಲಾಸಿ ಕಾರುಗಳು, 1 ಟ್ರಕ್ ಸೇರಿದಂತೆ ಹುಕ್ಕಾ ಪಾಟ್ಗಳು, ವಿದೇಶಿ ಮದ್ಯವನ್ನು ವಶಕ್ಕೆ ಪಡೆದಿದ್ದಾರೆ. ಒಟ್ಟು ಪಾರ್ಟಿಯಲ್ಲಿದ್ದ 84 ಜನರ ಬಂಧನವಾಗಿದೆ.
ಇದನ್ನೂ ಓದಿ: ಕೈ ಮುರಿದ ವ್ಯಕ್ತಿ ಮೇಲೆ ಹಲ್ಲೆ: ವಿಡಿಯೋ ವೈರಲ್ ಬೆನ್ನಲ್ಲೇ ಹೆಚ್ಚಿನ ತನಿಖೆಗೆ ಸೂಚಿಸಿದ ಎಸ್ಪಿ
