ಕೊಡಗು: ಮಡಿಕೇರಿ ನಗರಕ್ಕೆ ರಾತ್ರಿ ಇದ್ದಕ್ಕಿದ್ದಂತೆ ಕಡವೆಯೊಂದು ಆಗಮಿಸಿ ಅವಾಂತರ ಸೃಷ್ಟಿಸಿದೆ. ಕಾಡಾನೆಯಂತೆ ನುಗ್ಗಿ ಬಂದ ಕಡವೆ ತಡೆಗೋಡೆಗಳನ್ನು ಕೆಡವಿ ಹಾಕಿದೆ.
ಕಾಡಿನಿಂದ ನಾಡಿಗೆ ಬಂದ ಕಡವೆ
ಮಡಿಕೇರಿಯ ಜಿಲ್ಲಾ ಕ್ರೀಡಾಂಗಣದ ಮೇಲ್ಭಾಗದಲ್ಲಿರುವ ಚಿಮ್ಮಿ ದೇವಯ್ಯ ಮನೆಯ ಕಾಂಪೌಂಡ್ ಹಾರಿ ಬಂದ ಕಡವೆ, ಮನೆ ಮುಂದೆ ಬಿದ್ದಿದೆ. ಕಡವೆ ಹಾರಿದ ರಭಸಕ್ಕೆ ಎರಡು ಮನೆಯ ತಡೆಗೋಡೆ ಕುಸಿದು ಬಿದ್ದಿವೆ. ಬೃಹತ್ ಗಾತ್ರದ ಕಡವೆ ನೋಡಿ ಮನೆಯವರು ಕೆಲಕಾಲ ಗಲಿಬಿಲಿಯಾಗಿದ್ದರು. ಇನ್ನು ಬಿದ್ದು ಗಾಯಗೊಂಡಿದ್ದ ಕಡವೆಯನ್ನು ಮೂಡಾ ಮಾಜಿ ಅಧ್ಯಕ್ಷರಾದ ಚಿಮ್ಮಿ ದೇವಯ್ಯ ಹಾಗೂ ಸ್ಥಳೀಯರು ಹಿಡಿದು ಅರಣ್ಯ ಇಲಾಖೆಯವರಿಗೆ ಒಪ್ಪಿಸಿದ್ದಾರೆ.
