ಮಡಿಕೇರಿ : ಭಗವದ್ಗೀತೆ ಬೇರೆ ಧಾರ್ಮಿಕ ಗ್ರಂಥಗಳಂತೆ ಅಲ್ಲ. ಇದು ಜೀವನದ ಸಾರವನ್ನ ತಿಳಿಸುವ ಮಹಾನ್ ಗ್ರಂಥ. ನೈತಿಕ ವಿಚಾರಗಳಿರುವ ಭಗವದ್ಗೀತೆಯನ್ನ ಪಠ್ಯ ಪುಸ್ತಕದಲ್ಲಿ ಅಳವಡಿಸುವ ಸರ್ಕಾರದ ನಿರ್ಧಾರ ಸ್ವಾಗತಾರ್ಹ ಎಂದು ಸಂಸದ ಪ್ರತಾಪ್ ಸಿಂಹ ಹೇಳಿದರು.
ಈ ಕುರಿತು ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಮೈಸೂರಿನಿಂದ ಕುಶಾಲನಗರದವರೆಗೆ 4 ಸಾವಿರ ಕೋಟಿ ರೂ. ವೆಚ್ಚದಲ್ಲಿ 4 ಪಥದ ಹೆದ್ದಾರಿ ವಿಸ್ತರಣೆ ಮಾಡುತ್ತಿಲ್ಲ. ಕುಶಾಲನಗರದಿಂದ ಸಂಪಾಜೆಯವರೆಗೆ ಭೂಕುಸಿತ, ಪರಿಸರ ರಕ್ಷಣೆ ಮನದಲ್ಲಿರಿಸಿಕೊಂಡು ಹೆದ್ದಾರಿ ವಿಸ್ತರಣೆ ಮಾಡಲಾಗುತ್ತಿಲ್ಲ. ಸುಂಟಿಕೊಪ್ಪ ಮತ್ತು ಮಡಿಕೇರಿಯಲ್ಲಿ ವಾಹನ ದಟ್ಟಣೆ ಗಮನಿಸಿ ಬೈಪಾಸ್ ನಿರ್ಮಾಣಕ್ಕೆ ಚಿಂತನೆ ನಡೆಸಲಾಗಿದೆ ಎಂದರು.
ಸಂಪಾಜೆ-ಜೋಡುಪಾಲ ನಡುವೆ ಮಳೆಗಾಲದಲ್ಲಿ ಸಂಭವಿಸುವ ಭೂಕುಸಿತ ತಡೆಯಲು 2 ಹೊಸ ಸೇತುವೆ, 22 ತಡೆಗೋಡೆಗಳನ್ನು 98 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಲಾಗುತ್ತದೆ. ಕಾಡಾನೆ ತಡೆಗೆ ಶಾಸಕ ಕೆ.ಜಿ.ಬೋಪಯ್ಯ, ಅಪ್ಪಚ್ಚುರಂಜನ್, ಸುಜಾಕು ಶಾಲಪ್ಪ ಪ್ರಯತ್ನದಿಂದ ರಾಜ್ಯ ಸರ್ಕಾರ ಬಜೆಟ್ನಲ್ಲಿ 100 ಕೋಟಿ ರೂ. ಮೀಸಲಿಟ್ಟಿದೆ.
ರೈಲ್ವೆ ಕಂಬಿಗಳ ಬೇಲಿ ಯೋಜನೆ ಜಾರಿಗೊಳಿಸಲಾಗುವುದು. ಕಾಡಾನೆ ದಾಂಧಲೆ ಹೆಚ್ಚಿರುವ ವಿರಾಜಪೇಟೆ ಕ್ಷೇತ್ರದ ಜನತೆಗೆ ಈ ಯೋಜನೆ ಹೆಚ್ಚು ನೆರವಾಗಲಿದೆ. ಕೊಡವ ಜನಾಂಗದ ಅಭಿವೃದ್ಧಿಗಾಗಿ 10 ಕೋಟಿ ರೂ. ನೀಡಲಾಗಿದೆ ಎಂದರು.
ದೇಶದ ಸಂವಿಧಾನಕ್ಕಿಂತ ಧರ್ಮವೇ ದೊಡ್ಡದು ಎಂಬ ವರ್ತನೆ ಖಂಡನೀಯ. ಈ ಮೊದಲೇ ಅಂಬೇಡ್ಕರ್ ಅವರು ಹಿಂದೂ-ಮುಸ್ಲಿಂ ಭಾರತದಲ್ಲಿ ಒಟ್ಟಾಗಿರಲು ಸಾಧ್ಯವಿಲ್ಲ ಎಂದು ಹೇಳಿದ್ದರು. ಈಗ ಆ ಮಾತಿನ ಅರ್ಥ ಜನ ಸಾಮಾನ್ಯರಿಗೂ ತಿಳಿಯುತ್ತಿದೆ. ನಾವು ಬಾಳುತ್ತಿರುವ ದೇಶದ ಸಂವಿಧಾನವನ್ನು ಗೌರವಿಸುವುದು ಮುಖ್ಯ ಎಂದರು.
ಇದನ್ನೂ ಓದಿ: ಒಂದು ಮಾತನಾಡದೆ ಮೌನ ಪ್ರೀತಿ ಮಾಡಿದೆ: ಹಾಡಿನ ಮೂಲಕ ಅಪ್ಪು ನೆನೆದು ಭಾವುಕರಾದ ವೃತ್ತ ನಿರೀಕ್ಷಕ
