ಮಡಿಕೇರಿ : ಮೈಸೂರಿನಿಂದ ಕೊಡಗಿಗೆ ಬಂದು ಕ್ವಾರಂಟೈನ್ ಅವಧಿ ಪಾಲಿಸದಿದ್ದ ವ್ಯಕ್ತಿಗೆ ಆರೋಗ್ಯ ಇಲಾಖೆಯ ಸಿಬ್ಬಂದಿ ಮತ್ತೆ ಕ್ವಾರಂಟೈನ್ಗೆ ದಾಖಲಿಸಿರುವ ಘಟನೆ ಮಡಿಕೇರಿ ನಗರದಲ್ಲಿ ನಡೆದಿದೆ.
ಮೈಸೂರಿನ ಕೆ.ಆರ್.ನಗರದಿಂದ 3 ನೇ ತಾರೀಖಿನಂದು ಬಂದಿದ್ದ ವ್ಯಕ್ತಿ ಬಳಿಕ 4 ನೇ ತಾರೀಖಿನಿಂದ ಮಡಿಕೇರಿಯ ಓಂಕಾರೇಶ್ವರ ದೇವಾಲಯದ ರಸ್ತೆಯಲ್ಲಿ ಟೈಲರಿಂಗ್ ಶಾಪ್‌ನಲ್ಲಿ ಕೆಲಸ ಮಾಡುತ್ತಿದ್ದರು. ಸ್ಥಳೀಯರು ನೀಡಿದ ಮಾಹಿತಿ ಮೇರೆಗೆ ಶಾಪ್‌ಗೆ ಆಗಮಿಸಿದ ಅಧಿಕಾರಿಗಳು 14 ದಿನಗಳು ಕ್ವಾರಂಟೈನ್‌ನಲ್ಲೇ ಇರುವಂತೆ ಸೂಚಿಸಿದ್ದಾರೆ.
ಕೊವೀಡ್-19 ಪರಿಣಾಮ ಲಾಕ್‌ಡೌನ್ ಪಾಲಿಸುವಂತೆ ಎಷ್ಟೇ ಅರಿವು ಮೂಡಿಸುತ್ತಿದ್ದರೂ ಜನರು ಮಾತ್ರ ನಿಮಯಗಳನ್ನು ಗಾಳಿಗೆ ತೂರುತ್ತಿದ್ದಾರೆ. ಕ್ವಾರಂಟೈನ್ ಇರಬೇಕಾದವರು ಎಲ್ಲೆಂದರಲ್ಲಿ ಓಡಾಡುತ್ತಿರುವುದರಿಂದ ಸ್ಥಳೀಯರೂ ಆತಂಕದಿಂದ ಕಾಲ ಕಳೆಯುತ್ತಿದ್ದಾರೆ.
