ಕಲಬುರಗಿ: ಯಾರ ಮೇಲೆಯೂ ಭಾಷೆಯನ್ನು ಒತ್ತಾಯ ಪೂರ್ವಕವಾಗಿ ಹೇರಬಾರದು, ಅವರವರ ಭಾಷೆ ಅವರವರಿಗೆ ಬಿಟ್ಟಿದ್ದು ಎಂದು ಸಂಸದ ಉಮೇಶ್ ಜಾಧವ್ ಅಭಿಪ್ರಾಯಪಟ್ಟರು.
ಭಾಷೆಯನ್ನು ಒತ್ತಾಯ ಪೂರ್ವಕವಾಗಿ ಹೇರಬಾರದು: ಉಮೇಶ್ ಜಾಧವ್
ಮಾಧ್ಯಮದವರೊಂದಿಗೆ ಮಾತನಾಡಿದ ಸಂಸದರು, ಸದ್ಯ ದೇಶಾದ್ಯಂತ ಒಂದು ಕಾಮನ್ ಭಾಷೆ ಇರಬೇಕೆಂಬ ವಿಚಾರ ಬಂದಿದೆ. ಅಮಿತ್ ಷಾ ಬೇರೆ ಭಾಷೆ ಇರಬಾರದು ಎಂದು ಹೇಳಿಲ್ಲ. ಬೇರೆ ಭಾಷೆ ಮಾತನಾಡಲೂ ಆಕ್ಷೇಪಿಸಿಲ್ಲ. ಆದರೆ ಒಂದು ಭಾಷೆಯನ್ನು ದೇಶದ ಭಾಷೆಯನ್ನಾಗಿಸುವಂತೆ ಕೇಳ್ತಿದ್ದಾರೆ. ಈ ಕುರಿತು ನಮ್ಮ ಮುಖಂಡರಿಗೆ ನಮ್ಮ ಅಭಿಪ್ರಾಯ ತಿಳಿಸ್ತೇವೆ ಎಂದು ಹೇಳಿದ್ರು.
ಬ್ಯಾಂಕ್ ಪರೀಕ್ಷೆಯಲ್ಲಿ ಪ್ರಾದೇಶಿಕ ಭಾಷೆಗಳ ಕಡೆಗಣನೆ ವಿಚಾರಕ್ಕೆ ಪ್ರತಿಕ್ರಿಯಿಸಿದ ಅವರು, ಈ ಹಿಂದೆ ಪ್ರಾದೇಶಿಕ ಭಾಷೆಗಳಲ್ಲಿ ಪರೀಕ್ಷೆ ಬರೆಯಲು ಅವಕಾಶ ಕೊಡುವಂತೆ ಕೇಂದ್ರ ಸರ್ಕಾರವನ್ನು ಕೋರಿದ್ದೆವು. ಇದಕ್ಕೆ ಕೇಂದ್ರ ಸಚಿವರೂ ಒಪ್ಪಿಗೆ ಸೂಚಿಸಿದ್ದರು. ಆದರೀಗ ಬದಲಾವಣೆ ಏಕೆಂದು ಗೊತ್ತಾಗಿಲ್ಲ. ಈ ಕುರಿತು ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರ ಜೊತೆ ಮಾತನಾಡುತ್ತೇನೆ ಎಂದು ತಿಳಿಸಿದ್ರು.
