ಕಲಬುರಗಿ: ಪುಡಾರಿಗಳು ಮನೆಯೊಂದರ ಮುಂದೆ ದಾಂಧಲೆ ಮಾಡಿ ಕಾರ್ ಗ್ಲಾಸ್ ಪುಡಿಪುಡಿ ಮಾಡಿರುವ ಘಟನೆ ಲಾಲಗೇರಿ ಕ್ರಾಸ್ ಜಂಗೆ ಬ್ರದರ್ಸ್ ಬಡಾವಣೆಯಲ್ಲಿ ನಡೆದಿದೆ.
ಮಧ್ಯರಾತ್ರಿ ಸಾಗರ ಗೋದೆ ಎಂಬಾತನ ಮೇಲೆ ಹಲ್ಲೆ ಮಾಡಲು ಐದಾರು ಯುವಕರ ಗುಂಪು ಸಾಗರ್ ಎಂಬಾತನ ಮನೆಮುಂದೆ ಗಲಾಟೆ ಮಾಡಿದ್ದಾರೆ. ಸಾಗರ್ ಮನೆಯಿಂದ ಹೊರಬಾರದ ಹಿನ್ನೆಲೆ ಆತನ ಕಾರ್ಗ್ಲಾಸ್ ಒಡೆದು ಪುಡಿ ಮಾಡಲಾಗಿದೆ.
ಕಾರು ಗಾಜು ಪುಡಿಪುಡಿ
ಕಲಬುರಗಿಯ ಕಾಲೇಜೊಂದರಲ್ಲಿ ಫಾರ್ಮಸಿ ಓದುತ್ತಿರುವ ಸಾಗರ್ ಇತನ ಸ್ನೇಹಿತ ರಾಹುಲ್, ನಿರಂಜನ್ ಹಾಗೂ ಐದಾರು ಜನರಿದ್ದ ಗುಂಪು ಈ ಕೃತ್ಯ ನಡೆಸಿದೆ ಎಂದು ಸಾಗರ ಕುಟುಂಬದವರು ಆರೋಪಿಸಿದ್ದಾರೆ. ಸಾಗರ ಹಾಗೂ ಸ್ನೇಹಿತರ ಮಧ್ಯೆ ಕ್ಷುಲಕ ಕಾರಣಕ್ಕೆ ಜಗಳವಾಗಿತ್ತು. ಇದೆ ಹಗೆತನದಿಂದ ಮಧ್ಯರಾತ್ರಿ ಮನೆ ಎದುರು ಗಲಾಟೆ ಮಾಡಿದ್ದಾರೆಂದು ಆರ್.ಜಿ.ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
