ಕಲಬುರಗಿಯಲ್ಲಿ ಹವಾಮಾನ ವೈಪರೀತ್ಯ: ವಿಮಾನಗಳ ಮಾರ್ಗ ಬದಲಾವಣೆ

ಕಲಬುರಗಿ ನಗರದ ಹೊರವಲಯದಲ್ಲಿರುವ ವಿಮಾನ ನಿಲ್ದಾಣಕ್ಕೆ ಬಂದಿಳಿಯಬೇಕಿದ್ದ ಎರಡು ವಿಮಾನಗಳನ್ನು ಡೈವರ್ಟ್​ ಮಾಡಲಾಗಿದೆ ಎಂಬ ಮಾಹಿತಿ‌ ಲಭ್ಯವಾಗಿದೆ‌.

ಕಲಬುರಗಿ: ಹವಾಮಾನ ವೈಪರೀತ್ಯ ಕಾರಣದಿಂದ ಕಲಬುರಗಿ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆಗದ ಎರಡು ವಿಮಾನಗಳನ್ನು ಬೇರೆಡೆ ಡೈವರ್ಟ್​ ಮಾಡಲಾಗಿದೆ.

ಬೆಂಗಳೂರು-ಕಲಬುರಗಿ ನಡುವಿನ ಅಲಯನ್ಸ್ ಏರ್ ವಿಮಾನವನ್ನು ಹೈದರಾಬಾದ್​ಗೆ ಕಳುಹಿಸಲಾಗಿದೆ.

ಇದೇ ರೀತಿ, ಸ್ಟಾರ್ ಏರ್ ವಿಮಾನವನ್ನು ಮರಳಿ ಬೆಂಗಳೂರಿಗೆ ಕಳುಹಿಸಲಾಗಿದೆ. ಜಿಲ್ಲೆಯಲ್ಲಿ ಮೋಡ ಕವಿದ ವಾತಾವರಣ ಮತ್ತು ಜಿಟಿಜಿಟಿ ಮಳೆಯಿದ್ದು ಲ್ಯಾಂಡಿಂಗ್​ಗೆ ತೊಂದರೆ ಉಂಟಾಗಿದೆ.

ಇದಕ್ಕೂ ಮುನ್ನ ಸುಮಾರು 40 ನಿಮಿಷಗಳ ಕಾಲ ಕಲಬುರಗಿಯ ಸುತ್ತಮುತ್ತ ವಿಮಾನಗಳು ಹಾರಾಡಿದ್ದು, ಲ್ಯಾಂಡಿಂಗ್​ಗೆ ಪ್ರಯತ್ನ ನಡೆಸಿದ್ದವು.