ಹಾವೇರಿ: ಉಕ್ರೇನ್ನಲ್ಲಿ ಸಿಲುಕಿದ್ದ ಜಿಲ್ಲೆಯ ರಾಣೆಬೆನ್ನೂರು ನಗರದ ನಿವಾಸಿ ಎಂಬಿಬಿಎಸ್ ವಿದ್ಯಾರ್ಥಿ ಸುರಕ್ಷಿತವಾಗಿ ತಾಯ್ನಾಡಿಗೆ ಆಗಮಿಸಿದ್ದು, ಕುಟುಂಬಸ್ಥರು ಹೂಮಾಲೆ ಹಾಕಿ, ಹಿಸಿ ತಿನ್ನಿಸಿ ಸ್ವಾಗತಿಸಿದರು.
ರಾಣೇಬೆನ್ನೂರು ನಗರದ ನಿವಾಸಿ ಗಣೇಶ ಶಿವಲಿಂಗಪ್ಪನವರ ಉಕ್ರೇನ್ನಲ್ಲಿ ಮೊದಲ ವರ್ಷದ ಎಂಬಿಬಿಎಸ್ ವ್ಯಾಸಂಗ ಮಾಡುತ್ತಿದ್ದರು. ಸದ್ಯ ಉಕ್ರೇನ್ನಲ್ಲಿ ಯುದ್ಧದ ಕಾರ್ಮೋಡ ಇದ್ದು, ಅಲ್ಲಿದ್ದ ಭಾರತೀಯರು ಹಾಗೂ ವಿದ್ಯಾರ್ಥಿಗಳು ತಮ್ಮ ತಮ್ಮ ದೇಶಗಳಿಗೆ ವಾಪಸಾಗುತ್ತಿದ್ದಾರೆ. ಅದರಂತೆ ಇಂದು ಸುರಕ್ಷಿತವಾಗಿ ಬಂದ ಯುವಕನನ್ನು ಕುಟುಂಬಸ್ಥರು ಹಾಗೂ ತಹಶೀಲ್ದಾರ್ ಶಂಕರ್ ಅವರು ಸ್ವಾಗತಿಸಿದರು.
ನಾವೆಲ್ಲ ಮೆಟ್ರೋದಲ್ಲಿದ್ದೆವು. ಕರ್ಫ್ಯೂ ಮುಗಿದ ಕೂಡಲೇ ಮಾರ್ಕೆಟ್ಗೆ ಹೋಗಿ ಬರುತ್ತಿದ್ದೆವು. ಸೈರನ್ ಸೌಂಡ್ ಕೇಳ್ತಿದ್ದಂತೆ ಓಡಿ ಬಂದು ಬಂಕರ್, ಮೆಟ್ರೋ ಸೇರುತ್ತಿದ್ದೆವು. ಅಪ್ಪ-ಅಮ್ಮನಿಗೆ ಕರೆ ಮಾಡಿ ನಾವೆಲ್ಲ ಸುರಕ್ಷಿತವಾಗಿದ್ದು, ಭಯ ಪಡಬೇಡಿ ಡಂದು ಧೈರ್ಯ ತುಂಬುತ್ತಿದ್ದೆ ಎಂದು ವಿದ್ಯಾರ್ಥಿ ಗಣೇಶ ಅಲ್ಲಿನ ಪರಿಸ್ಥಿತಿಯನ್ನು ವಿವರಿಸಿದರು.
ನವೀನಣ್ಣ ನಮ್ಮ ಸೀನಿಯರ್, ನವೀನ್ ಸಾವಿನ ಹಿಂದಿನ ದಿನ ಸೀನಿಯರ್ ಎಲ್ಲರೂ ಸೇರಿ ಅಲ್ಲಿಂದ ಹೇಗೆ ಊರಿಗೆ ಹೋಗಬೇಕು ಎಂಬುದರ ಬಗ್ಗೆ ಪ್ಲಾನ್ ಮಾಡಿದ್ರು. ಆದರೆ ಅಣ್ಣ ಶಾಪಿಂಗ್ಗೆ ಕ್ಯೂನಲ್ಲಿ ನಿಂತಿದ್ದ. ಆಗ ಶೆಲ್ ದಾಳಿಗೆ ಬಲಿಯಾದ ಎಂದು ನವೀನ್ ಸಾವಿನ ಕುರಿತಂತೆ ಮಾಹಿತಿ ನೀಡಿದನು.
ಇದನ್ನೂ ಓದಿ: ತುಮಕೂರು: ಕಲುಷಿತ ನೀರು ಸೇವಿಸಿ 20ಕ್ಕೂ ಹೆಚ್ಚು ಜನರು ಅಸ್ವಸ್ಥ
