ಹಾವೇರಿ: ಜಿಲ್ಲಾ ಕೇಂದ್ರ ಹಾವೇರಿ ಸೇರಿದಂತೆ ಸುತ್ತಮುತ್ತಲ ಪ್ರದೇಶಗಳಲ್ಲಿ ಮಂಗಳವಾರ ಮಧ್ಯಾಹ್ನ ಆಕಾಶದಲ್ಲಿ ಕೌತುಕವೊಂದು ನಿರ್ಮಾಣವಾಗಿತ್ತು.
ಮೋಡಗಳ ಮರೆಯಲ್ಲಿನ ಸೂರ್ಯನ ಸುತ್ತ ಕಾಮನಬಿಲ್ಲಿನ ಕಂಕಣ ಮೂಡಿತ್ತು. ಸೂರ್ಯನ ಸುತ್ತಲೂ ಮೂಡಿದ್ದ ಈ ಕಾಮನಬಲ್ಲಿನ ಕಂಕಣವನ್ನ ಜನರು ಕಣ್ತುಂಬಿಕೊಂಡರು. ವೈಜ್ಞಾನಿಕವಾಗಿ ಹ್ಯಾಲೋರಿಂಗ್ ಎಂದು ಕರೆಸಿಕೊಳ್ಳುವ ಈ ಕೌತುಕ ಈ ಪ್ರಮಾಣದ ಮೋಡಗಳಿದ್ದಾಗ ಮಾತ್ರ ಉಂಟಾಗುತ್ತದೆಯಂತೆ.
ಮೋಡಗಳಲ್ಲಿರುವ ಮಂಜಿನ ಹರಳುಗಳು ಸೂರ್ಯನಿಗೆ 22 ಡಿಗ್ರಿ ಅಥವಾ ಹೆಚ್ಚಿನ ಡಿಗ್ರಿಯಲ್ಲಿ ವಕ್ರೀಭವನ ಒಳಗಾದರೇ ಈ ವಿದ್ಯಮಾನ ಉಂಟಾಗುತ್ತದೆ. ಈ ಸಂದರ್ಭದಲ್ಲಿ ಸೂರ್ಯನ ವೃತ್ತಾಕಾರವಾಗಿ ಇರುವ ಮೋಡಗಳ ಹರಳುಗಳ ಮೂಲಕ ಸೂರ್ಯನ ಕಿರಣ ಹಾದುಹೋದಾಗ ಏಳು ಬಣ್ಣಗಳ ಕಾಮನಬಿಲ್ಲು ಮೂಡುತ್ತದೆ.
ಸೂರ್ಯನ ಸುತ್ತ ಮೂಡಿದ್ದ ವರ್ಣದುಂಗುರ ನೋಡಲು ಆಗಿಮಿಸಿದ್ದ ಸ್ಥಳೀಯರು ತಮ್ಮ ತಮ್ಮ ಮೊಬೈಲ್ನಲ್ಲಿ ಈ ಕೌತುಕದ ದೃಶ್ಯವನ್ನು ಸೆರೆ ಹಿಡಿದರು.
