ಸರ್ಕಾರಿ ನೌಕರಿಯ ಆಮಿಷ... ಲಕ್ಷಾಂತರ ರೂಪಾಯಿ ದೋಖಾ

ಪಂಗನಾಮದ ಕತೆಗಳು ಇತ್ತೀಚೆಗೆ ಅತಿಯಾಗುತ್ತಿವೆ. ಹಣದ ಆಮಿಷಕ್ಕೆ ಒಳಗಾಗಿ ಇಂತಹ ಕೃತ್ಯಗಳಲ್ಲಿ ತಮ್ಮನ್ನ ತೊಡಗಿಸಿಕೊಳ್ಳುವ ಅನೇಕರಿದ್ದಾರೆ. ಅಂತೆಯೇ ಇಲ್ಲೊಬ್ಬ ಆಸಾಮಿ ಸರ್ಕಾರಿ ನೌಕರಿ ಕೊಡಿಸುವುದಾಗಿ ನಂಬಿಸಿ ಪಂಗನಾಮ ಹಾಕಿದ್ದಾನೆ.

ಹಾವೇರಿ: ಸರ್ಕಾರಿ ನೌಕರಿ ಕೊಡಿಸುವುದಾಗಿ ನಂಬಿಸಿ ಲಕ್ಷಾಂತರ ರೂಪಾಯಿ ಲಪಟಾಯಿಸಿರುವ ಘಟನೆ ಇಲ್ಲಿಯ ಕಲ್ಲುಮಂಟಪದಲ್ಲಿ ನಡೆದಿದೆ.

ಇಲ್ಲಿನ ಇರ್ಷಾದ್ ಎಂಬ ಅಕಾಂಕ್ಷಿಗೆ ರಾಜೇಸಾಬ್ ಎಂಬ ವ್ಯಕ್ತಿ ಈ ರೀತಿ ಪಂಗನಾಮ ಹಾಕಿದ್ದಾನೆ. ಆರಂಭದಲ್ಲಿ ಮನೆಗೆ ಬಂದಿದ್ದ ರಾಜೀಸಾಬ್, ನಿಮಗೆ ಸರ್ಕಾರಿ ನೌಕರಿ ಕೊಡಿಸುತ್ತೇನೆ ಎಂದು ಹೇಳಿ ಹಲವು ಕಾರಣಗಳನ್ನ ನೀಡಿ ಹಣ ಪಡೆದಿದ್ದಾನೆ.

ಆ ಬಳಿಕ ಇಂದು ಸಿಕ್ಕ ರಾಜೇಸಾಬನನ್ನು ಇರ್ಷಾದ್ ಮನೆಯವರು ಕೂಡಿಹಾಕಿ ತೀವ್ರ ತರಾಟೆಗೆ ತಗೆದುಕೊಂಡರು. ರಾಜೇಸಾಬ್ ತಮ್ಮಿಂದ ಲಕ್ಷ ರೂಪಾಯಿ ಪಡೆದು ವಂಚಿಸಿದ್ದಾನೆ ಎಂದು ಇರ್ಷಾದ್ ಆರೋಪಿಸಿದರು. ಆದರೆ ಆರೋಪಗಳನ್ನ ತಳ್ಳಿ ಹಾಕಿರುವ ರಾಜೇಸಾಬ್ ಇರ್ಷಾದ್​ರಿಂದ 35 ಸಾವಿರ ರೂಪಾಯಿ ಪಡೆದಿದ್ದು ನಿಜ. ಲಕ್ಷ ರೂಪಾಯಿ ಪಡೆದಿಲ್ಲ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.