ಬೇರೆ ಜಿಲ್ಲೆಯಿಂದ ಹಾವೇರಿಗೆ ಬಂದವರಿಗೆ ಫಿವರ್​​ ಕ್ಲಿನಿಕ್​​ನಲ್ಲಿ ತಪಾಸಣೆ, ಕಡ್ಡಾಯ ಕ್ವಾರಂಟೈನ್​

ಹಾವೇರಿ ಜಿಲ್ಲಾಧಿಕಾರಿಗಳ ಆದೇಶದಂತೆ ಬೇರೆಡೆಗೆ ಕಾರ್ಯನಿಮಿತ್ತ ಹೋಗಿದ್ದ ಕಾರ್ಮಿಕರಿಗೆ ಜಿಲ್ಲೆಗೆ ಬರಲು ಅವಕಾಶ ನೀಡಲಾಗಿದೆ.

ಹಾವೇರಿ: ಶನಿವಾರದಿಂದ ಹಾವೇರಿ ಜಿಲ್ಲೆಯಲ್ಲಿ ಲಾಕ್ ಡೌನ್ ಸ್ವಲ್ಪ ಮಟ್ಟಿಗೆ ಸಡಿಲಗೊಳಿಸಲಾಗಿದೆ. ಜಿಲ್ಲಾಧಿಕಾರಿಗಳ ಆದೇಶದಂತೆ ಬೇರೆ ಜಿಲ್ಲೆಗಳಿಗೆ ಕಾರ್ಯನಿಮಿತ್ತ ಹೋಗಿದ್ದ ಕಾರ್ಮಿಕರಿಗೆ ಜಿಲ್ಲೆಗೆ ಬರಲು ಅವಕಾಶ ನೀಡಲಾಗಿದೆ.

ಸಾರಿಗೆ ಬಸ್‌ನಲ್ಲಿ 21 ಜನರನ್ನ ಕರೆದುಕೊಂಡು ಬರಲಾಗುತ್ತಿದೆ. ಈ ರೀತಿ ಕರೆದುಕೊಂಡು ಬಂದ 84 ಜನರನ್ನು ಹಾವೇರಿ ಕೆಇಬಿ ಸಭಾ ಭವನದಲ್ಲಿನ ಫಿವರ್​​ ಕ್ಲಿನಿಕ್​​ನಲ್ಲಿ ಚೆಕ್ ಮಾಡಲಾಗುತ್ತಿದೆ. ಸ್ಕ್ರೀನಿಂಗ್​ ನಂತರ ಕೆಇಬಿ ಸಭಾ ಭವನದಲ್ಲಿ 14 ದಿನಗಳವರೆಗೆ ಕ್ವಾರಂಟೈನ್‌ಗೆ ಒಳಪಡಿಸಲಾಗುತ್ತಿದೆ.

14 ದಿನಗಳವರೆಗೆ ಯಾವುದೇ ರೀತಿಯ ರೋಗ ಲಕ್ಷಣಗಳು ಕಾಣದಿದ್ದರೆ ಅವರನ್ನು ಅವರ ಗ್ರಾಮಕ್ಕೆ ಕಳಿಸಿಕೊಡಲಾಗುತ್ತದೆ.