ಹಾವೇರಿ : ಸರ್ವೋಚ್ಚ ನ್ಯಾಯಾಲಯದ ಆದೇಶ ಹಿನ್ನೆಲೆಯಲ್ಲಿ ನಗರದಲ್ಲಿ ಸಂಚಾರಿ ಪೊಲೀಸರು ಬೈಕ್ ಸವಾರರಿಗೆ ರಸ್ತೆ ನಿಯಮಗಳ ಕುರಿತಂತೆ ಜಾಗೃತಿ ಮೂಡಿಸಿದರು.
ನಂಬರ್ ಪ್ಲೇಟ್‌ಗಳ ಮೇಲೆ ಸಂಖ್ಯೆಯನ್ನು ಬಿಟ್ಟು ಹೆಸರು ಇತ್ಯಾದಿಗಳನ್ನು ಹಾಕಿದ ಸವಾರರಿಗೆ ದಂಡಹಾಕಿ ಎಚ್ಚರಿಸಿದರು. ಅಲ್ಲದೇ ಆ ರೀತಿ ಹಾಕಿದ ಅಕ್ಷರಗಳನ್ನು ಕಿತ್ತು ಹಾಕಿದರು. ಇದೇ ವೇಳೆ ಹೆಲ್ಮೆಟ್ ಧರಿಸದೇ ಬಂದ ವಾಹನ ಸವಾರರಿಗೆ ಹೆಲ್ಮೆಟ್ ಧರಿಸುವಂತೆ ಮನವಿ ಮಾಡಿದರು.
ಹಾವೇರಿ ಸಂಚಾರಿ ಪೊಲೀಸರ ರಸ್ತೆ ನಿಯಮ ಜಾಗೃತಿ ಕಾರ್ಯಕ್ರಮ
ಸಂಚಾರಿ ಪಿಎಸ್ಐ ಪಲ್ಲವಿ ವಾಹನ ಸವಾರರಿಗೆ ಗುಲಾಬಿ ಹೂ ನೀಡುವ ಮೂಲಕ ಜಾಗೃತಿ ಮೂಡಿಸಿದರು. ಈ ಸಂದರ್ಭದಲ್ಲಿ ಹಾವೇರಿ ಸಂಚಾರಿ ಪೊಲೀಸ್ ಸಿಬ್ಬಂದಿ ಉಪಸ್ಥಿತರಿದ್ದರು.
