ಸಾವನ್ನಪ್ಪಿದ ಹೋರಿಗೆ ಧಾರ್ಮಿಕ ವಿಧಿ ವಿಧಾನಗಳ ಮೂಲಕ ಅಂತ್ಯಕ್ರಿಯೆ

ದನ ಬೆದರಿಸುವ ಹಲವು ಸ್ಪರ್ಧೆಗಳಲ್ಲಿ ಬಹುಮಾನ ತಂದು ಕೊಟ್ಟಿದ್ದ ಹೋರಿ ಹೋರಿ ಸಾವನ್ನಪ್ಪಿದಾಗ ರೈತ ಹಿಂದೂ ಸಂಪ್ರದಾಯದ ಪ್ರಕಾರ ಅಂತ್ಯಕ್ರಿಯೆ ನೆರವೆರಿಸಿದ್ದಾರೆ.

ಹಾವೇರಿ: ಸಾವನ್ನಪ್ಪಿದ ಹೋರಿಗೆ ಧಾರ್ಮಿಕ ವಿಧಿ ವಿಧಾನಗಳ ಮೂಲಕ ಅಂತ್ಯಕ್ರಿಯೆ ಮಾಡಿದ ಘಟನೆ ಹಾವೇರಿ ಜಿಲ್ಲೆ ಬ್ಯಾಡಗಿ ತಾಲೂಕಿನ ಕಲ್ಲೇದೇವರ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಕಲ್ಲಪ್ಪ ದ್ಯಾವಪ್ಪ ನರಸೀಪುರ ಈ ರೀತಿಯ ಅಂತ್ಯಕ್ರಿಯೆ ನೆರವೇರಿಸಿದ ರೈತ. ಇವನ ಹೋರಿ ಕಲ್ಲೇದೇವರ ಹುಲಿ ಎಂದೇ ಸುತ್ತಮುತ್ತ ಪ್ರಸಿದ್ಧಿಗಳಿಸಿತ್ತು.

ಸಾವನ್ನಪ್ಪಿರುವ ಹೋರಿ

ದನ ಬೆದರಿಸುವ ಹಲವು ಸ್ಪರ್ಧೆಗಳಲ್ಲಿ ಕಲ್ಲಪ್ಪನಿಗೆ ಬಹುಮಾನ ತಂದುಕೊಟ್ಟಿತ್ತು. ಇಂತಹ ನೆಚ್ಚಿನ ಹೋರಿ ಸಾವನ್ನಪ್ಪಿದಾಗ ಕಲ್ಲಪ್ಪ ಹಿಂದೂ ಸಂಪ್ರದಾಯದ ಪ್ರಕಾರ ಅಂತ್ಯಕ್ರಿಯೆ ಮಾಡುವ ಮೂಲಕ ನೆಚ್ಚಿನ ಹೋರಿಗೆ ವಿದಾಯ ಹೇಳಿದ್ದಾರೆ.