ಗದಗ : ವೃದ್ಧೆಯಲ್ಲಿ ಕೊರೊನಾ ಸೋಂಕು ದೃಢಪಟ್ಟ ಹಿನ್ನೆಲೆ ಜಿಲ್ಲೆಯಲ್ಲಿ ತಲ್ಲಣ ಶುರುವಾಗಿತ್ತು. ವೃದ್ಧೆಗೆ ಸೋಂಕು ದೃಢಪಡುತ್ತಿದ್ದಂತೆ ಆಕೆಯ ಸಂಪರ್ಕದಲ್ಲಿದ್ದ. ವೈದ್ಯರನ್ನು ಸೇರಿದಂತೆ ಎಲ್ಲರ ವರದಿಗಳು ನೆಗೆಟಿವ್ ಬಂದಿದೆ ಎಂದು ಜಿಲ್ಲಾಧಿಕಾರಿ ಎಂ ಜಿ ಹಿರೇಮಠ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಒಟ್ಟು 49 ಜನರ ಗಂಟಲು ದ್ರವ್ಯ ಮಾದರಿಗಳಲ್ಲಿ 2 ತಿರಸ್ಕೃತಗೊಂಡಿವೆ. ಉಳಿದ 47 ಪ್ರಕರಣಗಳ ವರದಿ ನಗೆಟಿವ್‌ ಬಂದಿದೆ. ಇದರಲ್ಲಿ ಪಿ-166 ಜೊತೆಗೆ ಪ್ರಾಥಮಿಕ ಸಂಪರ್ಕದಲ್ಲಿದ್ದ 35 ಜನ ಹಾಗೂ ಚಿಕಿತ್ಸೆ ನೀಡಿದ 7 ಜನ ವೈದ್ಯ ಸಿಬ್ಬಂದಿ ಸೇರಿ 42 ಮತ್ತು ಇನ್ನುಳಿದ 5 ಪ್ರಕರಣಗಳ ವರದಿಯೂ ನಕಾರಾತ್ಮಕ ಆಗಿರುತ್ತವೆ ಎಂದು ಜಿಲ್ಲಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ. ಆದರೆ, ಆ ವೃದ್ಧೆಗೆ ಹೇಗೆ ಪಾಸಿಟಿವ್ ಬಂದಿದೆ ಅನ್ನೊದೇ ಯಕ್ಷ ಪ್ರಶ್ನೆಯಾಗಿದೆ ಎಂದರು.
