ಹತ್ತಿ ಮಾರಲು ಗದಗ ರೈತರ ಪರದಾಟ : ಮನವಿ ಮಾಡಿದರೂ ಕ್ಯಾರೆ ಎನ್ನದ ಜಿಲ್ಲಾಡಳಿತ

ಕೊರೊನಾ ಬಿಕ್ಕಟ್ಟಿನ ಮಧ್ಯೆ ಹತ್ತಿ ಬೆಳೆಗಾರರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ರೈತರು ತಂದಿದ್ದ ಹತ್ತಿಯನ್ನು ಖರೀದಿಸದೆ ಕೋ ಆಪರೇಟಿವ್ ಕಾಟನ್ ಸೇಲ್ ಸೊಸೈಟಿ ಖರೀದಿ ಕೇಂದ್ರ ವಾಪಸ್ ಕಳುಹಿಸಿದೆ.

ಗದಗ: ನಗರದ ಕೋ ಆಪರೇಟಿವ್ ಕಾಟನ್ ಸೇಲ್ ಸೊಸೈಟಿ ಖರೀದಿ ಕೇಂದ್ರದಲ್ಲಿ ಗ್ರೇಡಿಂಗ್ ನೆಪವೊಡ್ಡಿ ರೈತರು ತಂದಿದ್ದ ಹತ್ತಿಯನ್ನು ಖರೀದಿಸದೆ ವಾಪಸ್ ಕಳುಹಿಸಲಗಿದೆ ಎಂದು ರೈತರು ಆರೋಪಿಸಿದ್ದಾರೆ.

ಗದಗ, ನರಗುಂದ ಹಾಗೂ ರೋಣ ತಾಲೂಕಿನ ರೈತರು ತಂದಿದ್ದ ಹತ್ತಿ, ಮೂರು ದಿನಗಳಿಂದ ಟ್ರ್ಯಾಕ್ಟರ್​​ನಲ್ಲೇ ಇದೆ. ಇತ್ತ ರೈತರು ಅನ್ನ ನೀರಿಲ್ಲದೇ ಪರದಾಡುತ್ತಿರುವ ಸ್ಥಿತಿಯೂ ನಿರ್ಮಾಣವಾಗಿದೆ.

ಈ ಕುರಿತು ಗದಗ ಜಿಲ್ಲಾಧಿಕಾರಿ ಎಂ.ಜಿ.ಹಿರೇಮಠ ಅವರಲ್ಲಿ ಮನವಿ ಮಾಡಿಕೊಂಡರೂ ಸಮಸ್ಯೆ ಬಗೆಹರಿದಿಲ್ಲ ಎಂದು ಹತ್ತಿ ಬೆಳೆಗಾರರು ಬೇಸರ ವ್ಯಕ್ತಪಡಿಸಿದರು.