ಹುಬ್ಬಳ್ಳಿ: 'ಮೂರು ತಿಂಗಳು ಆಯ್ತು, ಇನ್ನೂ ವಾಟರ್ ಬಿಲ್ ( Water bill ) ಬಂದಿಲ್ಲ. ಒಮ್ಮೆಲೇ ವಾಟರ್ ಬಿಲ್ ಬಂದರೆ ಹೇಗೆ ಕಟ್ಟುವುದು?. ಲಾಕ್ಡೌನ್ ಸಮಯದಲ್ಲಿ ಜೀವನ ನಡೆಸುವುದೇ ಕಷ್ಟ ಆಗಿತ್ತು. ಈಗ ಒಮ್ಮೆಲೆ ವಾಟರ್ ಬಿಲ್ ಬಂದರೆ ಏನು ಮಾಡುವುದು?.' ಅಂತಾ ಅವಳಿನಗರದ ಜನ ಮಾತಾಡಿಕೊಳ್ತಿದ್ದಾರೆ.
ನಗರದಲ್ಲಿ ನೀರು ಸರಬರಾಜು ಸೇವೆಯನ್ನು ಜಲಮಂಡಳಿಯಿಂದ ಖಾಸಗಿ ಕಂಪನಿಯಾದ 'ಎಲ್ ಆ್ಯಂಡ್ ಟಿ'ಗೆ ನೀಡಲಾಗಿದೆ. ಪರಿಣಾಮ ಹುಬ್ಬಳ್ಳಿ- ಧಾರವಾಡದ ಬಹುತೇಕ ಸಾರ್ವಜನಿಕರಿಗೆ ಮೂರು ತಿಂಗಳಿನಿಂದ ವಾಟರ್ ಬಿಲ್ ಬಂದಿಲ್ಲ. ಜಲಮಂಡಳಿಯವರ ಈ ಅವ್ಯವಸ್ಥೆಯಿಂದ ಜನರು ಸಮಸ್ಯೆ ಎದುರಿಸುವಂತಾಗಿದೆ.
'ಈಗಾಗಲೇ ಬಿಲ್ ನೀಡುವಂತೆ ಪಾಲಿಕೆಯಿಂದ ಜಲಮಂಡಳಿಗೆ ನಿರ್ದೇಶನ ನೀಡಲಾಗಿದೆ. ಖಾಸಗಿ ಕಂಪನಿಗೆ ಹಸ್ತಾಂತರ ಮಾಡುವಂತೆ ಆದೇಶ ನೀಡಲಾಗಿದೆ. ಅದೆನೇ ಸಮಸ್ಯೆ ಆಗಿದ್ದರೂ ಕೂಡ ವಾಟರ್ ಬೋರ್ಡ್ನಿಂದ ಆಗಿದೆ.
ಖಾಸಗಿ ಕಂಪನಿ ಹಾಗೂ ಜಲಮಂಡಳಿ ನಡುವೆ ಹಣದ ಸಮಸ್ಯೆ ಇದ್ದಿದ್ದರಿಂದ ಬಿಲ್ ಕೊಟ್ಟಿರಲಿಲ್ಲ. ಈಗ ಬಿಲ್ ತಯಾರಿಸಿ ಕೊಡುತ್ತಿದ್ದಾರೆ. ಧಾರವಾಡದಲ್ಲಿ ಶೇ.75ರಷ್ಟು ಹಾಗೂ ಹುಬ್ಬಳ್ಳಿಯಲ್ಲಿ ಶೇ.30ರಷ್ಟು ಕೊಟ್ಟಿದ್ದಾರೆ. ಮುಂದೆ ಎಲ್ಲಾ ಕಡೆ ಬಿಲ್ ಕೊಡುತ್ತಾರೆ ಎಂದು' ಪಾಲಿಕೆ ಆಯುಕ್ತ ಸುರೇಶ್ ಇಟ್ನಾಳ ತಿಳಿಸಿದ್ದಾರೆ.
ಓದಿ: ಹುಬ್ಬಳ್ಳಿಯನ್ನೇ ಕೇಂದ್ರವನ್ನಾಗಿಸಿಕೊಂಡ ಗಾಂಜಾ ಘಾಟು: ಬೀಚ್ಗಳಿಗೆ ಇಲ್ಲಿಂದಲೇ ರವಾನೆ?
