ಮುಖ್ಯಮಂತ್ರಿ ಬದಲಾದ್ರು: ಸರ್ಕಾರಿ ಕಚೇರಿಗಳಲ್ಲಿ ದೋಸ್ತಿ ಸರ್ಕಾರದ ಬ್ಯಾನರ್​

ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ರಚನೆ ಆಗಿದ್ದರೂ, ಧಾರವಾಡ ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿ ತೆರವುಗೊಳಿಸದೇ ಬಿಟ್ಟ ದೋಸ್ತಿ ಸರ್ಕಾರದ ಜೆಡಿಎಸ್​, ಕಾಂಗ್ರೆಸ್​ ನಾಯಕರ ಫೋಟೋ ರಾರಾಜಿಸುತ್ತಿವೆ.

ಧಾರವಾಡ: ಮೈತ್ರಿ ಸರ್ಕಾರ ಪತನಗೊಂಡು ರಾಜ್ಯಕ್ಕೆ ಹೊಸ ಮುಖ್ಯಮಂತ್ರಿ ನೇಮಕವಾದ್ರೂ ನಗರದ ದೇವರಾಜ ಅರಸು ಹಿಂದುಳಿದ ವರ್ಗಗಳ ಅಭಿವೃದ್ಧಿ ನಿಗಮ ಹಾಗೂ ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿರುವ ಹೆಚ್.ಡಿ.ಕುಮಾರಸ್ವಾಮಿ ಅವರ ಬ್ಯಾನರ್​ಗಳನ್ನು ತೆರವುಗೊಳಿಸಿಲ್ಲ.

ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಹಳೆ ಸರ್ಕಾರದ ಬ್ಯಾನರ್​ಗಳು ರಾರಾಜಿಸುತ್ತಿರುವುದು

ಧಾರವಾಡದ ಮಿನಿ ವಿಧಾನಸೌಧದ ಪ್ರಾಂಗಣದಲ್ಲಿರುವ ಮೈತ್ರಿ ಸರ್ಕಾರದ ಅವಧಿಯಲ್ಲಿ ಯೋಜನೆಗಳ ಕುರಿತ ಮಾಹಿತಿಯನ್ನು ಹಾಕಲಾಗಿತ್ತು. ಮುಖ್ಯಮಂತ್ರಿ ಹೆಚ್.ಡಿ.ಕುಮಾರಸ್ವಾಮಿ ಎಂದು ಬ್ಯಾನರ್​ನಲ್ಲಿ ಬರೆಯಲಾಗಿದೆ. ಸರ್ಕಾರದ ತಿಂಗಳ ತಿರುಳು ಬ್ಯಾನರ್​ನಲ್ಲಿ ದೋಸ್ತಿ ಸರ್ಕಾರದ ಹಳೆಯ ಹುದ್ದೆಗಳ ಜತೆ ಆಕರ್ಷಕ ಫೋಟೊಗಳು ಇನ್ನೂ ರಾರಾಜಿಸತ್ತಿವೆ.