ದಿ. ಕರುಣಾನಿಧಿ ಹಾಗೂ ಓವೈಸಿ ವಿರುದ್ಧ ಮುತಾಲಿಕ್​​ ಕಿಡಿ

ಧಾರವಾಡದ ಕಲಾಭವನದ ಆವರಣದಲ್ಲಿ ನಡೆದ ರಾಷ್ಟ್ರೀಯ ಹಿಂದೂ ಪರಿಷತ್​​ ಲಾಂಛನ‌ ಬಿಡುಗಡೆ ಕಾರ್ಯಕ್ರಮದಲ್ಲಿ ಪ್ರಮೋದ್​​ ಮುತಾಲಿಕ್​​ ಪಾಲ್ಗೊಂಡಿದ್ದು, ವೇದಿಕೆಯಲ್ಲಿ ಆಕ್ರೋಶದಿಂದಲೇ ಮಾತನಾಡಿದ್ದಾರೆ. ಇದು ವಿವಾದಕ್ಕೀಡಾಗಿದೆ.

ಧಾರವಾಡ: ರಾಮ ಜನ್ಮ ಭೂಮಿಗಾಗಿ ಐದುನೂರು ವರ್ಷ ಹೋರಾಟ ಮಾಡಿದ್ದೇವೆ. ತಮಿಳುನಾಡಿನ ಮಾಜಿ ಸಿಎಂ ದಿ. ಕರುಣಾನಿಧಿ ಅವರು ರಾಮ ಸೇತುವೆ‌ ಇದೆ ಎನ್ನುವುದಕ್ಕೆ ಸಾಕ್ಷಿ ಕೊಡಿ ಎಂದಿದ್ದರು.‌ ಅದನ್ನ ನಾನು ಕೊಡ್ತೇನೆ ಎಂದು ಶ್ರೀರಾಮಸೇನೆ ಮುಖ್ಯಸ್ಥ ಪ್ರಮೋದ್​ ಮುತಾಲಿಕ್​ ವಾಗ್ದಾಳಿ ನಡೆಸಿದರು.

ಧಾರವಾಡದ ಕಲಾಭವನದ ಆವರಣದಲ್ಲಿ ‌ನಿನ್ನೆ ರಾತ್ರಿ‌ ನಡೆದ ರಾಷ್ಟ್ರೀಯ ಹಿಂದೂ ಪರಿಷತ್​​ ಲಾಂಛನ‌ ಬಿಡುಗಡೆ ಕಾರ್ಯಕ್ರಮ ಉದ್ಘಾಟಿಸಿ ಈ ಹೇಳಿಕೆ ನೀಡಿದ್ದಾರೆ. ಇದೇ ವೇಳೆ ವಿವಾದಾತ್ಮಕ ಮಾತುಗಳನ್ನು ಆಡಿದ್ದಾರೆ. ಈ ಮಧ್ಯೆ, ಓವೈಸಿ ವಿರುದ್ಧ ಕೂಡಾ ಮುತಾಲಿಕ್​ ಹರಿಹಾಯ್ದಿದ್ದಾರೆ.