ಧಾರವಾಡ: ಸರ್ಕಾರದ ಮೀಸಲಾತಿ ಹಂಚಿಕೆ ಜಾರಿಯಾಗುವುದಿಲ್ಲ ಅದೊಂದು ಚುನಾವಣೆ ಕುತಂತ್ರವಷ್ಟೇ ಎಂದು ಮಾಜಿ ಎಂಎಲ್‌ಸಿ ಮೋಹನ ಲಿಂಬಿಕಾಯಿ ಆರೋಪಿಸಿದ್ದಾರೆ. ನವಲಗುಂದ ಕ್ಷೇತ್ರದ ಅಣ್ಣಿಗೇರಿ ಪಟ್ಟಣದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, 1962ರಲ್ಲಿ ಕಾಂಗ್ರೆಸ್‌ನಲ್ಲಿ 60 ಜನ ಲಿಂಗಾಯತರು ಶಾಸಕರಾಗಿದ್ದರು.
ಆ ನಂತರ 1967ರಲ್ಲಿ 56 ಜನ ಲಿಂಗಾಯತರು ಕಾಂಗ್ರೆಸ್‌ನಿಂದ ಆರಿಸಿ ಬಂದಿದ್ದರು. ಮುಂದೆ ಜನತಾದಳ, ಜನತಾ ರಂಗ ಬಂತು. ಆಗ ಬಿಜೆಪಿ ಕಡೆ ಹೆಚ್ಚಿನ ಒಲವು ತೋರಲಾಯ್ತು. ಕಾಂಗ್ರೆಸ್ ಲಿಂಗಾಯತರನ್ನು ಕಡೆಗಣಿಸಿತು ಅಂತಾ ಬಿಜೆಪಿಗೆ ಒಲವು ತೋರಿಸಿದ್ದರು. ಆದರೆ ಆ ಬಳಿಕ ಬಿಜೆಪಿ ನಾಟಕ ಮಾಡುತ್ತಿರೋದು ಗೊತ್ತಾಯಿತು ಎಂದು ಹರಿಹಾಯ್ದರು.
ಇದನ್ನೂ ಓದಿ: ಬಿಜೆಪಿ ಅಧಿಕಾರಕ್ಕೆ ಬಂದ್ರೆ ಸವದಿ ಸಹೋದರರ ಸಕ್ಕರೆ ಕಾರ್ಖಾನೆ ಅವ್ಯವಹಾರ ಸಿಬಿಐ ತನಿಖೆಗೆ ಮನವಿ: ರಮೇಶ್ ಜಾರಕಿಹೊಳಿ
ಮುಂದುವರೆದು, ಬಿಜೆಪಿಗೆ ಲಿಂಗಾಯತರ ಮೇಲೆ ನಿಜವಾದ ಪ್ರೇಮವೇ ಇಲ್ಲ, ಬಿಜೆಪಿ ಮೀಸಲಾತಿ ಹಂಚಿಕೆ ಮಾಡಿದ್ದರೂ ಕೂಡ ಇದು ಚುನಾವಣಾ ಪೂರ್ವದಲ್ಲಿಯೇ ಸಾಬೀತಾಯ್ತು. ಮೀಸಲಾತಿಗೆ ಸಂಬಂಧಿಸಿ 2ಬಿಯನ್ನೇ 2ಡಿಗೆ ಪರಿವರ್ತನೆ ಮಾಡಿಕೊಟ್ಟಿದ್ದರು. ಇದು ಹೇಗಿದೆ ಅಂದರೆ ಹಳೇ ವೈನ್ಅನ್ನು ಹೊಸ ಬಾಟಲಿಯಲ್ಲಿ ಕೊಟ್ಟಂತೆ ಆಗಿದೆ. ಹೀಗಾಗಿ ಇದರ ವಿರುದ್ಧ ಕೋರ್ಟ್‌ಗೆ ಕೂಡ ಹೋಗಲಾಗಿತ್ತು. ಆದರೆ ಮುಸ್ಲಿಂರ ಮೀಸಲಾತಿ ತೆಗೆದುಕೊಟ್ಟಿದ್ದಾರೆ. ಮೀಸಲಾತಿ ಪರವಾಗಿ ಕೇಳಲು ಸುಪ್ರಿಂಕೋರ್ಟ್ಗೆ ರಸೂಲ್ ಎನ್ನುವವರು ಹೋಗಿದ್ದರು.
ಇದನ್ನೂ ಓದಿ: ನರೇದ್ರ ಮೋದಿಯವರು ಎಷ್ಟು ಬಾರಿ ಬಂದರೂ, ಮತದಾರರ ಮೇಲೆ ಪರಿಣಾಮ ಆಗಲ್ಲ: ಸಿದ್ದರಾಮಯ್ಯ
ಆಗ ಕೋರ್ಟ್‌ಗೆ ಬಿಜೆಪಿ ಸರ್ಕಾರ ಜಯಪ್ರಕಾಶ ಹೆಗಡೆ ವರದಿ ಆಧಾರದ ಮೇಲೆ ಈ ಮೀಸಲಾತಿ ವರ್ಗೀಕರಣ ಅಂತಾ ಹೇಳಿತ್ತು. ಆಗ ಕೋರ್ಟ್ ಜಯಪ್ರಕಾಶ್ ಹೆಗಡೆ ಅವರು ನಿಮಗೆ ಅಂತಿಮ ವರದಿ ಕೊಟ್ಟಿದ್ದಾರಾ ಎಂದು ಕೇಳಿದಾಗ, ಅದು ಅಂತಿಮ ವರದಿ ಕೊಟ್ಟಿಲ್ಲ, ಮಧ್ಯಂತರ ವರದಿ ಕೊಟ್ಟಿದ್ಧಾರೆ. ಅದರ ಆಧಾರದ ಮೇಲೆ ಈ ನಿರ್ಧಾರ ಎಂದಿದ್ದರು. ಆಗ ಸುಪ್ರೀಂ ಕೋರ್ಟ್ ಆಕಸ್ಮಿಕವಾಗಿ ಅಂತಿಮ ವರದಿಯನ್ನು ವ್ಯತಿರಿಕ್ತವಾಗಿ ಕೊಟ್ಟರೆ ಏನು ಮಾಡುತ್ತೀರಿ ಎಂದು ಕೇಳಿ, ಕೋರ್ಟ್ ತಡೆಯಾಜ್ಞೆಯ ಎಚ್ಚರಿಕೆ ನೀಡಿತ್ತು.
ಆಗ ಸರ್ಕಾರ ನಾವು ಮುಂದಿನ ಆದೇಶದವರೆಗೆ ನಮ್ಮ ಆದೇಶ ಜಾರಿ ಇಲ್ಲ ಅಂತಾ ಹೇಳಿದ್ದಾರೆ. ಹೀಗಾಗಿ ಇವರು ಮಾಡಿರುವ ಮೀಸಲಾತಿ ಜಾರಿಗೆ ಬಂದಿಲ್ಲ, ಜಾರಿಗೆ ಬರುವುದೂ ಇಲ್ಲ. ಲಿಂಗಾಯತ ಮತ ಓಲೈಕೆಗೆ ಮಾಡಿದ ಕುತಂತ್ರವನ್ನು ಮೊದಲೇ ಮಾಡಬೇಕಿತ್ತು. ಚುನಾವಣೆ ಸಮಯದಲ್ಲಿಯೇ ಮಾಡಿದ್ದು ಕುತಂತ್ರ. ಇದರಲ್ಲಿ ಪ್ರಾಮಾಣಿಕ ಪ್ರಯತ್ನ ಇಲ್ಲ. ಇದರಿಂದ ಲಿಂಗಾಯತರಿಗೆ ಲಾಭ ಆಗುವುದಿಲ್ಲ ಎಂದು ಲಿಂಬಿಕಾಯಿ ಹೇಳಿದ್ರು.
ಇದನ್ನೂ ಓದಿ: ಬಜರಂಗದಳಕ್ಕೆ ಅವಮಾನಿಸುವ ಪಕ್ಷಕ್ಕೆ ಸೇರಿರುವ ಸವದಿಯನ್ನು ಸೋಲಿಸಿ: ಅಮಿತ್ ಶಾ ಕರೆ
ಇದನ್ನೂ ಓದಿ: ಮೋದಿ ರೋಡ್ ಶೋನಲ್ಲಿ ರಾರಾಜಿಸಿದ ಬಜರಂಗಿ ಧ್ವಜಗಳು: ಕೇಸರಿ ಕಾರ್ಯಕರ್ತರಿಂದ ಕಾಂಗ್ರೆಸ್ಗೆ ಟಕ್ಕರ್
