ಹುಬ್ಬಳ್ಳಿ: ಲಾಕ್​​ಡೌನ್​​ಗೆ ಕ್ಯಾರೆ ಎನ್ನದವರಿಗೆ ಲಾಠಿ ರುಚಿ ತೋರಿಸಿದ ಪೊಲೀಸರು

ಲಾಕ್​​ಡೌನ್​​ಗೆ ಕ್ಯಾರೆ ಎನ್ನದೆ ಬೇಕಾಬಿಟ್ಟಿ ತಿರುಗುವವರು ಹಾಗೂ ಸಮಯ ಮೀರಿ ಅಂಗಡಿ ಮುಂಗಟ್ಟು ತೆರೆದವರಿಗೆ ಹುಬ್ಬಳ್ಳಿ ಪೊಲೀಸರು ಲಾಠಿ ರುಚಿ ತೋರಿಸಿದ್ದಾರೆ.

ಹುಬ್ಬಳ್ಳಿ: ಕೊರೊನಾ ಪ್ರಕರಣಗಳು ದಿನದಿಂದ ಹೆಚ್ಚಾಗುತ್ತಿರುವುದರಿಂದ ಅವಳಿ ನಗರದಲ್ಲಿ ಕಠಿಣ ಲಾಕ್​​ಡೌನ್ ಜಾರಿ ಮಾಡಲಾಗಿದೆ. ಆದರೆ ಲಾಕ್​​ಡೌನ್​​ಗೆ ಕ್ಯಾರೆ ಎನ್ನದೆ ಬೇಕಾಬಿಟ್ಟಿ ತಿರುಗುವವರು ಹಾಗೂ ಸಮಯ ಮೀರಿ ಅಂಗಡಿ ಮುಂಗಟ್ಟು ತೆರೆದವರಿಗೆ ಪೊಲೀಸರು ಲಾಠಿ ರುಚಿ ತೋರಿಸಿದ್ದಾರೆ.

ಬೆಳಗ್ಗೆ 10.30 ಗಂಟೆಯಾದರೂ ಜನತಾ ಬಜಾರ್​​ನ ಅಂಗಡಿಗಳನ್ನು ತೆರೆಯಲಾಗಿತ್ತು. ಹೀಗಾಗಿ ಪೊಲೀಸರು ಅಂಗಡಿ ಮಾಲೀಕರಿಗೆ ಲಾಠಿ ರುಚಿ ತೋರಿಸಿ ಅಂಗಡಿ ಮುಚ್ಚಿಸಿದರು. ಇನ್ನು ನಗರದ ಚೆನ್ನಮ್ಮ ವೃತ್ತ ಹಾಗೂ ಸಂಗೊಳ್ಳಿ ರಾಯಣ್ಣ ವೃತ್ತದಲ್ಲಿ ಬೇಕಾಬಿಟ್ಟಿಯಾಗಿ ಸಂಚಾರ ಮಾಡುವ ವಾಹನ ಸವಾರರಿಗೂ ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ.

ಲಾಕ್ ಡೌನ್​​ಗೆ ಕ್ಯಾರೆ ಎನ್ನದವರಿಗೆ ಬಿತ್ತು ಲಾಠಿ ಏಟು

ಅಲ್ಲದೇ ಅನಗತ್ಯವಾಗಿ ಓಡಾತ್ತಿದ್ದ ವಾಹನಗಳನ್ನು ಕೂಡ ಸೀಜ್ ಮಾಡಿದ್ದಾರೆ‌.