ಹುಬ್ಬಳ್ಳಿ: ರಾತ್ರಿ ವೇಳೆಯಲ್ಲಿ ಅಪರಿಚಿತ ಮನೆಗೆ ನುಗ್ಗಿ ಬೆಡ್ ರೂಂ ನಲ್ಲಿ ಇಣುಕಿ ನೋಡುತ್ತಿದ್ದ ಕಾಮುಕ ವಿದ್ಯಾರ್ಥಿಯೊಬ್ಬನನ್ನು ವಿದ್ಯಾನಗರ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ವಿದ್ಯಾನಗರದ ಲೋಹಿತ್ ಬಾಲರಾಜ ಪಾಟೀಲ್ (23) ಬಂಧಿತ ಆರೋಪಿ. ಸುಮಾರು ನಾಲ್ಕೈದು ತಿಂಗಳಿಂದ ವಿದ್ಯಾನಗರದ ಹಲವೆಡೆ ಮನೆ ಮನೆಗೆ ಹೋಗಿ ಬೆಡ್ ರೂಂ ನಲ್ಲಿ ಇಣುಕಿ ನೋಡುತ್ತಿದ್ದ ಎನ್ನಲಾಗಿದೆ. ಈತನ ವಿಚಿತ್ರ ಗೀಳಿನಿಂದಾಗಿ ಹಲವರು ತೀವ್ರ ಮುಜುಗರಕ್ಕೆ ಒಳಗಾಗಿದ್ದು, ಈ ಕುರಿತು ಸಾರ್ವಜನಿಕರು ವಿದ್ಯಾನಗರ ಠಾಣೆ ಪೊಲೀಸರಿಗೆ ದೂರು ನೀಡಿದ್ದರು.
ಇನ್ಸ್ಫೆಕ್ಟರ್ ಆನಂದ ಒಣಕುದ್ರಿ ನೇತೃತ್ವದ ತಂಡ ಆರೋಪಿಯನ್ನು ಪತ್ತೆ ಹಚ್ಚಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದೆ.
