ವೇತನ ಪರಿಷ್ಕರಣೆ ತಾರತಮ್ಯ ವಿರೋಧಿಸಿ ನಾಳೆಯಿಂದ ಸರ್ಕಾರಿ ವೈದ್ಯರ 'ಗಾಂಧಿಗಿರಿ'

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಡಿ ಕಾರ್ಯ ನಿರ್ವಹಿಸುವ ವೈದ್ಯರು ಈ ನಿರ್ಧಾರಕ್ಕೆ ಬಂದಿದ್ದು, ವೇತನ ಪರಿಷ್ಕರಣೆ ಶೀಘ್ರ ಪೂರ್ಣಗೊಳಿಸುವಂತೆ ಈ‌ ಮೂಲಕ ಒತ್ತಾಯಿಸಿದರು..

ಧಾರವಾಡ : ಸರ್ಕಾರಿ ವೈದ್ಯರ ವೇತನ ಪರಿಷ್ಕರಣೆ ತಾರತಮ್ಯ ಹಿನ್ನೆಲೆ ನಾಳೆಯಿಂದ ಸರ್ಕಾರಕ್ಕೆ ಯಾವುದೇ ಆರೋಗ್ಯ ವರದಿ ನೀಡದಿರಲು ವೈದ್ಯರು ನಿರ್ಧರಿಸಿದ್ದಾರೆ.

ಈ‌ ಕುರಿತು ಜಿಲ್ಲಾಧಿಕಾರಿ ‌ನಿತೇಶ್​ ಪಾಟೀಲ ಅವರ ಮೂಲಕ ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ ಅವರಿಗೆ ರಾಜ್ಯ ಸರ್ಕಾರಿ ವೈದ್ಯಾಧಿಕಾರಿಗಳ ಸಂಘದಿಂದ ಸರ್ಕಾರಿ ವೈದ್ಯರು ಮನವಿ ಸಲ್ಲಿಸಿದರು. ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಡಿ ಕಾರ್ಯ ನಿರ್ವಹಿಸುವ ವೈದ್ಯರು ಈ ನಿರ್ಧಾರಕ್ಕೆ ಬಂದಿದ್ದು, ವೇತನ ಪರಿಷ್ಕರಣೆ ಶೀಘ್ರ ಪೂರ್ಣಗೊಳಿಸುವಂತೆ ಈ‌ ಮೂಲಕ ಒತ್ತಾಯಿಸಿದರು. ಕೊರೊನಾ ಸೇರಿ ಯಾವುದೇ ರೀತಿಯ ವರದಿ ನಾಳೆಯಿಂದ ಸರ್ಕಾರಕ್ಕೆ ನೀಡದಿರಲು ವೈದ್ಯರು ತೀರ್ಮಾನಿಸಿದ್ದಾರೆ.