ಧಾರವಾಡ: ಉಪವಾಸ ಸತ್ಯಾಗ್ರಹನಿರತ ರೈತರು ಅಸ್ವಸ್ಥಗೊಂಡಿದ್ದಾರೆ. ಕಳೆದ ಮೂರು ದಿನಗಳಿಂದ ರೈತರು ಉಪವಾಸ ನಡೆಸುತ್ತಿದ್ದಾರೆ. ಧಾರವಾಡ ಜಿಲ್ಲಾಧಿಕಾರಿ ಕಚೇರಿ ಎದುರು ಉಪವಾಸ ಸತ್ಯಾಗ್ರಹ ನಡೆಸುತ್ತಿದ್ದಾರೆ.
ಬೆಂಬಲ ಬೆಲೆ ಘೋಷಣೆ, ಖರೀದಿ ಕೇಂದ್ರ ಆರಂಭಕ್ಕೆ ಒತ್ತಾಯಿಸಿ ಸತ್ಯಾಗ್ರಹ ನಡೆಸುತ್ತಿರುವ ರೈತರು ಅಸ್ವಸ್ಥರಾಗಿದ್ದಾರೆ. ಈ ಸಂದರ್ಭದಲ್ಲಿ ರೈತರಿಗೆ ಜಿಲ್ಲಾಧಿಕಾರಿ ಎದುರಿಗೆ ವೈದ್ಯರು ಸಲೈನ್ ಹಾಕಿದ್ದಾರೆ. ಆಸ್ಪತ್ರೆಗೆ ದಾಖಲಾಗಲು ರೈತರು ನಿರಾಕರಿಸಿದ ಹಿನ್ನೆಲೆ ಧರಣಿನಿರತ ಸ್ಥಳದಲ್ಲಿಯೇ ಸಲೈನ್ ಹಚ್ಚಿ ಚಿಕಿತ್ಸೆ ನೀಡಲಾಗುತ್ತಿದೆ.
ಪ್ರತಿಭಟನಾನಿರತ ರೈತರು ಅಸ್ವಸ್ಥ
ಬಸವರಾಜ ಲಕ್ಕಣ್ಣವರ, ರವಿಗೌಡಾ ಪಾಟೀಲ ಅಸ್ವಸ್ಥಗೊಂಡ ರೈತರಾಗಿದ್ದು, ಬ್ಯಾರಿಕೇಡ್ಗೆ ಸಲೈನ್ ಬಾಟಲಿ ಕಟ್ಟಿ ಚಿಕಿತ್ಸೆ ನೀಡಲಾಗುತ್ತಿದೆ.
