ಮತಹಾಕಲು ಅಮೆರಿಕದಿಂದ ಬಂದ ಧಾರವಾಡ ಮೂಲದ ಟೆಕ್ಕಿ

ಅಮೇರಿಕಾದಲ್ಲಿ ಎಂಜಿನಿಯರ್​ ಆಗಿರುವ ನಿಹಾಲ್​ ಬೆಂಗಳೂರಿನಿಂದ ತಾಯಿಯನ್ನೂ ಕರೆತಂದು ಧಾರವಾಡದಲ್ಲಿ ಮತದಾನ ಮಾಡಿದರು.

ಧಾರವಾಡ: ಅಮೆರಿಕದಲ್ಲಿ ಎಂಜಿನಿಯರ್​ ಆಗಿ ಕಾರ್ಯ ನಿರ್ವಹಿಸುತ್ತಿರುವ ಭಾರತ ಮೂಲದ ವ್ಯಕ್ತಿ ಮತದಾನ ಮಾಡಲು ಸ್ವದೇಶಕ್ಕೆ ಬಂದಿದ್ದಾರೆ.

ನಿಹಾಲ್ ಸಶಿತ್ತಲ ಹಾಗೂ ತಾಯಿ ಮಂಗಳಾ ಧಾರವಾಡಕ್ಕೆ ಆಗಮಿಸಿ ನಗರದ ಸಾರಸ್ವತಪುರ ಮಾಡರ್ನ್​ ಶಾಲೆಯಲ್ಲಿ ಮತ ಚಲಾಯಿಸಿದರು.

ಮತದಾನ ಮಾಡುವ ಸಲುವಾಗಿಯೇ ಭಾರತಕ್ಕೆ ಬಂದಿಳಿದ ನಿಹಾಲ್, ಬೆಂಗಳೂರಿನಲ್ಲಿದ್ದ ತನ್ನ ತಾಯಿಯನ್ನೂ‌ ಮತದಾನಕ್ಕೆ ಕರೆದುಕೊಂಡು ಬಂದು ತಮ್ಮ ಹಕ್ಕು ಚಲಾಯಿಸಿದ್ದಾರೆ.