ಹೋಂ ಕ್ವಾರೆಂಟೈನ್​ ಸೀಲ್​ ಹೊಂದಿದ್ದ ಹುಡುಗನ ಕಂಡು ಭಯಗೊಂಡ ಧಾರವಾಡ ಮಂದಿ

ಕೊರೊನಾ ಹರಡುವ ಹಿನ್ನೆಲೆಯಲ್ಲಿ ಹೊರ ರಾಜ್ಯ, ಹೊರದೇಶಗಳಿಂದ ಬರುವ ಜನರ ಕೈಗೆ ಹೋಮ್ ಕ್ವಾರೈಂಟೆನ್ ಸೀಲ್ ಹಾಕಲಾಗುತ್ತದೆ. ಆದರೆ ಇದನ್ನು ಕಂಡ ಧಾರವಾಡ ಜನರು ಭಯಭೀತರಾಗಿದ್ದಾರೆ.

ಧಾರವಾಡ: ಕೈಯಲ್ಲಿ ಹೋಮ್ ಕ್ವಾರೈಂಟೆನ್ ಸೀಲ್ ಹೊಂದಿದ ಯುವಕ ನಗರದಲ್ಲಿ ಕಂಡುಬಂದ ಹಿನ್ನಲೆಯಲ್ಲಿ ಜನರು ಭಯಭೀತರಾದ ಘಟನೆ ಇಲ್ಲಿನ ಟೋಲ್​ ನಾಕಾ ಬಳಿ ನಡೆದಿದೆ.

ಬೆಳಗಾವಿಯಿಂದ ಧಾರವಾಡದ ಹಳ್ಳಿಗೆ ತೆರಳಲು ಬಂದಿದ್ದ ಯುವಕನ ಕೈಯಲ್ಲಿ ಹೋಮ್ ಕ್ವಾರಂಟೈನ್ ಸೀಲ್ ಕಂಡುಬಂದಿದೆ. ಇದನ್ನು ಕಂಡ ಜನರು ಭಯಗೊಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಬೆಳಗಾವಿಯಲ್ಲಿ ಇಂಜಿನಿಯರಿಂಗ್ ವಿದ್ಯಾಭ್ಯಾಸ ಮಾಡುತ್ತಿರುವುದಾಗಿ ಯುವಕ ಹೇಳಿದ್ದಾನೆ‌. ಇನ್ನು ಸ್ಥಳಕ್ಕೆ ಧಾರವಾಡ ತಹಶೀಲ್ದಾರ್​​ ಸಂತೋಷ್ ಬಿರಾದರ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ವೈದ್ಯಾಧಿಕಾರಿಗಳನ್ನು ಕರೆಯಿಸಿ ತಪಾಸಣೆ ನಡೆಸಲಾಗಿದೆ. ಬಳಿಕ ವ್ಯಕ್ತಿಯನ್ನು ಮನೆಗೆ ಕಳುಹಿಸಲಾಗಿದ್ದು, 14 ದಿನ ಮನೆಯಿಂದ ಆಚೆ ಬರದಂತೆ ಸೂಚನೆ ನೀಡಲಾಗಿದೆ.