ಹುಷಾರ್! ಹೊರಗಿನವರು ಈ ಗ್ರಾಮಕ್ಕೆ ಬಂದರೆ 5,000 ರೂ ದಂಡ

ಸಂಬಂಧಿಕರು ಗ್ರಾಮಕ್ಕೆ ಬಂದರೆ 5 ಸಾವಿರ ರೂ ದಂಡ ಹಾಗೂ ಮನೆಯಿಂದ ಹೊರಬಂದು ತಿರುಗಾಡಿದರೆ ದುಬಾರಿ ದಂಡ ವಿಧಿಸುವುದಾಗಿ ಗೋಕುಲ ಗ್ರಾಮ ಡಂಗುರ ಸಾರಿದೆ.

ಹುಬ್ಬಳ್ಳಿ: ಕೊರೊನಾ ಭೀತಿ ಹಿನ್ನೆಲೆ ಗ್ರಾಮಕ್ಕೆ ಸಂಬಂಧಿಕರು ಬಂದ್ರೆ, ಗುಂಪು ಸೇರಿದರೆ ಭಾರಿ ದಂಡ ಕಟ್ಟಬೇಕಾಗುತ್ತದೆ. ಈ ಬಗ್ಗೆ ವಿಶೇಷ ರೀತಿಯಲ್ಲಿ ಗ್ರಾಮವೊಂದು ಎಚ್ಚರಿಕೆಯ ಕ್ರಮ ಕೈಗೊಂಡಿದೆ.

ಹುಬ್ಬಳ್ಳಿಯ ಗೋಕುಲ ಗ್ರಾಮದ ಜನರು ಕೊರೊನಾ ವೈರಸ್ ಹರಡದಂತೆ ತಡೆಯಲು ಹೊಸ ನಿಯಮ ಜಾರಿಗೆ ತಂದಿದ್ದಾರೆ. ಹೊರಗಿನವರು ಗ್ರಾಮಕ್ಕೆ ಬಂದ್ರೆ 5 ಸಾವಿರ ದಂಡ ಕಟ್ಟಬೇಕಾಗುತ್ತದೆ. ಜೊತೆಗೆ ಗುಂಪು ಗುಂಪಾಗಿ ಜನ ಸೇರಿದ್ರೆ, ಮಕ್ಕಳನ್ನು ಮನೆಯಿಂದ ಹೊರಗಡೆ ಕಳುಹಿಸಿದ್ರೆ ದಂಡ ಹಾಕುವುದಾಗಿ ಗ್ರಾಮಸ್ಥರು ಡಂಗುರ ಸಾರಿದ್ದಾರೆ.

ಕೊರೊನಾ ಮರಣ ಮೃದಂಗ ಬಾರಿಸುತ್ತಿರುವ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ಘೋಷಣೆ ಮಾಡಿರುವ ಲಾಕ್​ಡೌನ್​ಗೆ ಹುಬ್ಬಳ್ಳಿಯ ಗೋಕುಲ ಗ್ರಾಮದ ಬೆಂಬಲ ರಾಜ್ಯದ ಇತರೆ ಗ್ರಾಮೀಣ ಪ್ರದೇಶಗಳಿಗೆ ಮಾದರಿಯಾಗಿದೆ.