ಪ್ರೀತಿ ಮಾಡಿ ಮದುವೆಯಾದ.. ಕೆಲವೇ ದಿನಗಳ ಬಳಿಕ ಕತ್ತು ಹಿಸುಕಿ ಕೊಂದ

ಪ್ರೀತಿ ಮಾಡಿ ಮದುವೆಯಾಗಿದ್ದ ಪತ್ನಿಯನ್ನು ಕತ್ತು ಹಿಸುಕಿ ಪತಿಯೇ ಕೊಲೆ ಮಾಡಿದ ಘಟನೆ, ಹರಿಹರ ತಾಲೂಕಿನ ಹಿಂಡಸಗಟ್ಟ ಗ್ರಾಮದಲ್ಲಿ ನಡೆದಿದೆ.

ದಾವಣಗೆರೆ: ಪ್ರೀತಿ ಮಾಡಿ ಮದುವೆಯಾಗಿದ್ದ ಪತ್ನಿಯ ಕತ್ತು ಹಿಸುಕಿ ಪತಿಯೇ ಕೊಲೆ ಮಾಡಿದ ಘಟನೆ ಹರಿಹರ ತಾಲೂಕಿನ ಹಿಂಡಸಗಟ್ಟ ಗ್ರಾಮದಲ್ಲಿ ನಡೆದಿದೆ. 21ವರ್ಷದ ರಂಜಿತಾ ಕೊಲೆಯಾಗಿದ್ದು, ಆರೋಪಿ ಪತಿ ನಾಗರಾಜ್ ನಾಯ್ಕ್​ನನ್ನು ಪೊಲೀಸರು ಬಂಧಿಸಿದ್ದಾರೆ.

ಹೂದೋಟಕ್ಕೆ ತನ್ನ ಪತ್ನಿ ರಂಜಿತಾಳನ್ನು, ನಾಗರಾಜ್ ನಾಯ್ಕ್ ಕರೆದುಕೊಂಡು ಹೋಗಿದ್ದಾನೆ. ಈ ವೇಳೆ ಯಾವುದೋ ವಿಷಯಕ್ಕೆ ಗಲಾಟೆಯಾಗಿದ್ದು, ಮಾತಿಗೆ ಮಾತು ಬೆಳೆದು ರಂಜಿತಾಳ ಕತ್ತು ಹಿಸುಕಿ ಹತ್ಯೆ ಮಾಡಿದ್ದಾನೆ.

ಕಳೆದ ಕೆಲ ದಿನಗಳ ಹಿಂದೆಯಷ್ಟೇ ಪೋಷಕರ ವಿರೋಧದ ನಡುವೆ ಪ್ರೀತಿ ಮಾಡುತ್ತಿದ್ದ ರಂಜಿತಾ ಹಾಗೂ ನಾಗರಾಜ್ ವಿವಾಹವಾಗಿದ್ದರು.‌ ಬಳಿಕ ಸ್ವಗ್ರಾಮದಲ್ಲಿ ವಾಸವಾಗಿದ್ದರು.‌ ಇನ್ನು ಈ ಕುರಿತು ಮಲೆಬೆನ್ನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.