ದಾವಣಗೆರೆ: ನಿವೃತ್ತ ನ್ಯಾ. ಎ ಜೆ ಸದಾಶಿವ ಆಯೋಗದ ವರದಿಯನ್ನು ಮುಂದಿನ ಸಂಪುಟದಲ್ಲಿ ಕೇಂದ್ರ ಸರ್ಕಾರಕ್ಕೆ ಶಿಫಾರಸು ಮಾಡುವಂತೆ ಆಗ್ರಹಿಸಿ ಪತ್ರ ಚಳವಳಿ ನಡೆಸಲಿದ್ದೇವೆ ಎಂದು ಹೋರಾಟ ಸಮಿತಿ ರಾಜ್ಯಾಧ್ಯಕ್ಷ ಮುತ್ತಣ್ಣ ವೈ ಬೆಣ್ಣೂರು ತಿಳಿಸಿದರು.
ಎ ಜೆ ಸದಾಶಿವ ಆಯೋಗ ವರದಿ ಕೇಂದ್ರಕ್ಕೆ ಶಿಫಾರಸು ಮಾಡಲು ಒತ್ತಾಯ..
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕಳೆದ 21 ವರ್ಷಗಳಿಂದ ಶೇ.15ರ ಮೀಸಲಾತಿಯಲ್ಲಿ ಒಳಮೀಸಲಾತಿ ನಿಗದಿಗೊಳಿಸಲು ಹೋರಾಟ ಮಾಡುತ್ತಲೇ ಬಂದಿದ್ದೇವೆ. 2009ರಲ್ಲಿ ಬಿಜೆಪಿ ಸರ್ಕಾರ ಇದ್ದಾಗ ಎ ಜೆ ಸದಾಶಿವ ಆಯೋಗಕ್ಕೆ ಸುಮಾರು 12 ಕೋಟಿ ರೂ. ಅನುದಾನ ನೀಡುವುದರೊಂದಿಗೆ ವರದಿಯ ರೂಪರೇಷೆಗಳಿಗಾಗಿ ಎಲ್ಲಾ ರೀತಿಯ ಸಹಕಾರ ಸಿಕ್ಕಿದೆ. ನಂತರ 2012ರಲ್ಲಿ ಬಿಜೆಪಿ ಸರ್ಕಾರವೇ ವರದಿ ಪಡೆದುಕೊಂಡಿದೆ.
ಈ ಹಿನ್ನೆಲೆ ಇಂದು ಕೂಡ ಬಿಜೆಪಿ ಸರ್ಕಾರ ಇರುವುದರಿಂದ ನಮಗೆ ನಂಬಿಕೆ ಇದೆ. ವರದಿಯನ್ನು ಸಂಪುಟ ಅಂಗೀಕರಿಸುತ್ತೆ. ಅಂಗೀಕರಿಸದಿದ್ದಲ್ಲಿ ಮತ್ತೊಂದು ಧೃವೀಕರಣ ಆಗುತ್ತೆ ಎಂದು ಎಚ್ಚರಿಸಿದರು.
