ದಾವಣಗೆರೆ : ವೈದ್ಯರ ನಿರ್ಲಕ್ಷ್ಯದಿಂದ ಆಕ್ಸಿಜನ್ ಖಾಲಿಯಾಗಿದೆ. 50 ಜನ ಕೊರೊನಾ ಸೋಂಕಿತರು ಪರದಾಡಿದ ಘಟನೆ ಚನ್ನಗಿರಿ ತಾಲೂಕು ಆಸ್ಪತ್ರೆಯಲ್ಲಿ ನಡೆದಿದೆ.
ಹರಿಹರ ಪಟ್ಟಣದ ಸದರನ್ ಗ್ಯಾಸ್ ಏಜೆನ್ಸಿಯಿಂದ ಚನ್ನಗಿರಿ ಸರ್ಕಾರಿ ಆಸ್ಪತ್ರೆಗೆ ಆಕ್ಸಿಜನ್ ಪೂರೈಕೆಯಾಗುತ್ತಿತ್ತು. ಆದರೆ, ಇಂದು ಮಾತ್ರ ಆಕ್ಸಿಜನ್ ಪೂರೈಕೆ ಆಗಿರಲಿಲ್ಲ.
ಆಕ್ಸಿಜನ್ ಖಾಲಿಯಾದ ವಿಚಾರ ತಿಳಿದ ಚನ್ನಗಿರಿ ಶಾಸಕ ಮಾಡಾಳು ವಿರುಪಾಕ್ಷಪ್ಪ ಅವರು, ಸಿಎಂ ಬಿಎಸ್‌ವೈ ಜೊತೆ ದೂರವಾಣಿ ಮೂಲಕ ಮಾತುಕತೆ ನಡೆಸಿ, ಶಿವಮೊಗ್ಗ ಡಿಸಿಗೆ ಜಂಬೋ ಸಿಲಿಂಡರ್ ಕಳುಹಿಸಲು ಮನವಿ ಮಾಡಿದರು.
ಈ ಬಳಿಕ ಶಿವಮೊಗ್ಗದಿಂದ 30, ದಾವಣಗೆರೆಯಿಂದ 10 ಸಿಲಿಂಡರ್ಗಳು ಚನ್ನಗಿರಿ ಆಸ್ಪತ್ರೆಗೆ ಪೂರೈಕೆಯಾಗಿದ್ದು, ಶಾಸಕರ ಸಮಯ ಪ್ರಜ್ಞೆಯಿಂದ 50ಕ್ಕೂ ಹೆಚ್ಚು ಮಂದಿಯ ಜೀವ ಉಳಿದಿದೆ.
