ದಾವಣಗೆರೆ: ವ್ಯಕ್ತಿಯ ಗಮನ ಬೇರೆಡೆಗೆ ಸೆಳೆದು 4.85 ಲಕ್ಷ ರೂ. ಲಪಟಾಯಿಸಿರುವ ಘಟನೆ ಹೊನ್ನಾಳಿ ಪಟ್ಟಣದ ಕೆನರಾ ಬ್ಯಾಂಕ್ ಮುಂಭಾಗ ನಡೆದಿದೆ.
ಘಂಟ್ಯಾಪುರದ ಚಂದ್ರನಾಯ್ಕ್ ಹಣ ಕಳೆದುಕೊಂಡ ವ್ಯಕ್ತಿ. ಮೆಕ್ಕೆಜೋಳದ ವ್ಯಾಪಾರಿಯಾಗಿದ್ದ ಚಂದ್ರನಾಯ್ಕ್, ಕೆನರಾ ಬ್ಯಾಂಕ್ನಿಂದ ಹಣ ಬಿಡಿಸಿಕೊಂಡು ಬೈಕ್ ಹತ್ತುವಾಗ ಚಾಲಾಕಿ ಕಳ್ಳರು ಹಣ ಲಪಟಾಯಿಸಿದ್ದಾರೆ.
ಬ್ಯಾಂಕಿನಿಂದ ಹಣ ಬಿಡಿಸಿಕೊಂಡ ಬಂದ ಚಂದ್ರನಾಯ್ಕನ ಬೈಕ್ ಮುಂಭಾಗ 500 ರೂ.ನ್ನು ಖದೀಮರು ಬಿಸಾಕಿದ್ದಾರೆ. ಈ ವೇಳೆ, ಅದನ್ನು ತೆಗೆದುಕೊಳ್ಳಲು ತೆರಳಿದಾಗ ಖದೀಮರು ಹಣವನ್ನು ಎಗರಿಸಿದ್ದಾರೆ.
ಹಣ ಕಳೆದುಕೊಂಡ ಚಂದ್ರನಾಯ್ಕ್ ದಿಕ್ಕು ತೋಚದೆ ಹೊನ್ನಾಳಿ ಪೊಲೀಸ್ ಠಾಣೆಗೆ ತೆರಳಿ ಪ್ರಕರಣ ದಾಖಲಿಸಿದ್ದಾರೆ.
