ದಾವಣಗೆರೆ: ಲೋಕಸಭೆ ಚುನಾವಣೆಗೆ ದಾವಣಗೆರೆ ಕ್ಷೇತ್ರದಲ್ಲಿ ನಾಮಪತ್ರ ಸಲ್ಲಿಕೆ ಪ್ರಕ್ರಿಯೆ ಈಗಾಗಲೇ ಶುರುವಾಗಿದ್ದು, ಏಪ್ರಿಲ್ 4 ರವೆರೆಗೆ ನಾಮಪತ್ರ ಸಲ್ಲಿಸಲು ಅವಕಾಶ ಇದೆ ಎಂದು ಜಿಲ್ಲಾಧಿಕಾರಿ ಜಿ ಎನ್ ಶಿವಮೂರ್ತಿ ತಿಳಿಸಿದ್ದಾರೆ.
ನಾಮಪತ್ರ ಸಲ್ಲಿಸಲು ಬರುವಾಗ ಚುನಾವಣಾಧಿಕಾರಿ ಕಚೇರಿಯ 100 ಮೀಟರ್ ವ್ಯಾಪ್ತಿಯೊಳಗೆ ಮೂರು ವಾಹನಗಳನ್ನು ಮಾತ್ರ ತರಬಹುದಾಗಿದೆ. ಅಭ್ಯರ್ಥಿ ಸೇರಿ ಐದು ಮಂದಿ ಮಾತ್ರ ಪ್ರವೇಶಿಸಬಹುದು. ಒಬ್ಬ ಅಭ್ಯರ್ಥಿ ನಾಲ್ಕು ನಾಮಪತ್ರ ಸಲ್ಲಿಸಲು ಅವಕಾಶ ಇದೆ ಎಂದು ಚುನಾವಣಾಧಿಕಾರಿ ತಿಳಿಸಿದ್ದಾರೆ.
ಮತದಾನದ ಬಗ್ಗೆ ಸಲಹೆ ಅಥವಾ ದೂರು ನೀಡಲು 1950 ನಂಬರಿಗೆ ಸಂಪರ್ಕಿಸಬಹುದಾಗಿದೆ. ಇನ್ನೂ ಚುನಾವಣಾ ಆಯೋಗ ಸಿವಿಜಿಲ್ ಎಂಬ ಹೊಸ ಮೊಬೈಲ್ ಆ್ಯಪ್ ಬಿಡುಗಡೆ ಮಾಡಿದೆ. ಮತದಾನ ಮಾಡಲು ಆಮಿಷ ಲಂಚ ಇನ್ನಿತರೆ ಅಕ್ರಮ ನಡೆದರೆ ಸಾರ್ವಜನಿಕರು ಪೋಟೊ ಅಥವಾ ವಿಡಿಯೊ ತೆಗೆದು ಕಳಿಸಬಹುದು. ಈ ಹಿನ್ನಲೆ 17 ಪ್ರಕರಣಗಳು ಬಂದಿದ್ದು, ಅದರಲ್ಲಿ 16 ಪ್ರಕರಣಗಳು ಯುವಕರು ಪರೀಕ್ಷಾರ್ಥ ವಿಡಿಯೊ ಮಾಡಿ ಕಳುಹಿಸಿದ್ದಾರೆ.
ಪತ್ತೆಯಾದ ಅಕ್ರಮ ಮದ್ಯ, ಕಾಂಚಾಣ:
ಲೋಕಸಭೆ ಚುನಾವಣೆ ಘೋಷಣೆಯಾದಾಗಿನಿಂದ ಇಲ್ಲಿಯವರೆಗೆ ಅಬಕಾರಿ ಇಲಾಖೆ ಹಾಗೂ ಪೊಲೀಸ್ ರಿಂದ ವಿವಿಧೆಡೆ ಒಟ್ಟು 1,8947000 ಮೌಲ್ಯದ ಅಕ್ರಮ ಮದ್ಯ ವಶಪಡಿಸಿಕೊಳ್ಳಲಾಗಿದೆ. ನಿನ್ನೆ ಹರಿಹರ ತಾಲ್ಲೂಕಿನ ಮುಷ್ಟೂರು ಗ್ರಾಮದ ಬಳಿ ನಿಯಮ ಉಲ್ಲಂಘಿಸಿ ಮದ್ಯ ಸಾಗಿಸುತ್ತಿದ್ದ ಎರಡು ಲಾರಿ ಹಾಗೂ 1.76 ಕೋಟಿ ಮೌಲ್ಯದ ಮದ್ಯವನ್ನು ಹರಿಹರ ಅಬಕಾರಿ ಉಪವಿಭಾಗ ಸಿಬ್ಬಂದಿ ವಶಕ್ಕೆ ಪಡೆದಿದೆ. ಫ್ಲೈಯಿಂಗ್ ಸ್ಕ್ವಾಡ್ ಹಾಗೂ ಚೆಕ್ ಪೋಸ್ಟ್ ಗಳಲ್ಲಿ 7.21 ಲಕ್ಷ ನಗದು, 4.2 ಲಕ್ಷದ ಮೌಲ್ಯದ ಚಿನ್ನ ವಶಕ್ಕೆ ಪಡೆಯಾಲಾಗಿದೆ.
ಮತದಾರರ ಅಂಕಿ ಅಂಶಗಳು
ದಾವಣಗೆರೆಯಲ್ಲಿ ಒಟ್ಟು 19.45,497 ಜನಸಂಖ್ಯೆ ಇದ್ದು, 16,11,965 ಮತದಾರರು ಇದ್ದಾರೆ. 8.14.413 ಪುರುಷ ಮತದಾರರು, 7.96.874 ಮಹಿಳಾ ಮತದಾರರು, 110 ಇತರರು, 568 ಸೇವಾ ಮತದಾರರು ಇದ್ದಾರೆ. ಅದರಲ್ಲಿ 32.912 ಹೊಸ ಮತದಾರರು, 17.284 ಅಂಕವಿಕಲ ಮತದಾರರು ಇದ್ದಾರೆ.
