ದಾವಣಗೆರೆ: ಶಾಸಕ ಎಂ ಪಿ ರೇಣುಕಾಚಾರ್ಯ ಸಹೋದರನ ಮಗ ಚಂದ್ರಶೇಖರ್ ಸಾವಿನ ಬಗ್ಗೆ ಸಾವಿರಾರು ಪ್ರಶ್ನೆಗಳು ಹುಟ್ಟಿಕೊಂಡಿವೆ. ಈ ನಡುವೆ ರೇಣುಕಾಚಾರ್ಯ ಇದು ಕೊಲೆ ಎಂದು ಅನುಮಾನ ವ್ಯಕ್ತಪಡಿಸಿದ್ದಾರೆ.
ಅಪಘಾತದಲ್ಲಿ ಸಂಭವಿಸಿದ ಸಾವಲ್ಲ. ವ್ಯವಸ್ಥಿತವಾಗಿ ಕೊಲೆ ಮಾಡಲಾಗಿದೆ ಎಂದು ಆರೋಪಿಸಿ ಚಂದ್ರು ಕೈಗೆ ಹಗ್ಗ ಕಟ್ಟಲಾದ ವಿಡಿಯೋವನ್ನು ತಮ್ಮ ಮಾಧ್ಯಮ ಗ್ರೂಪ್ನಲ್ಲಿ ಹಂಚಿಕೊಂಡಿದ್ದಾರೆ. ಇದು ತನಿಖೆಗೆ ಹೊಸ ಟ್ವಿಸ್ಟ್ ಕೊಟ್ಟಿದೆ. ಅಕ್ಟೋಬರ್ 30 ರಂದು ಚಂದ್ರು ಕಾಣೆಯಾಗಿದ್ದರು. ನವೆಂಬರ್ 3 ರಂದು ದಾವಣಗೆರೆಯ ತುಂಗಾನಾಲೆಯಲ್ಲಿ ಶವವಾಗಿ ಕಾರಿನ ಹಿಂಬದಿ ಸೀಟಿನಲ್ಲಿ ಪತ್ತೆಯಾಗಿದ್ದರು.
ಚಂದ್ರು ಕೊಲೆಗೈಯಲಾಗಿದೆ ಎಂದು ದೂರು : ಚಂದ್ರು ಕಾಣೆಯಾದಾಗ ಕುಟುಂಬಸ್ಥರು ನಾಪತ್ತೆ ಎಂದು ಹೊನ್ನಾಳಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಆದರೆ ಶವವಾಗಿ ಸಿಕ್ಕ ಬಳಿಕ ಇದೊಂದು ಕೊಲೆ ಎಂದು ಎಫ್ಐಆರ್ ದಾಖಲಿಸಿದ್ದಾರೆ. ಕೈಕಾಲು ಕಟ್ಟಿ ಬಲವಾಗಿ ಕೊಲೆಗೈಯಲಾಗಿದೆ ಎಂದು ಚಂದ್ರು ತಂದೆ ರಮೇಶ್ ದೂರು ನೀಡಿದ್ದಾರೆ. ಪೊಲೀಸರು ಎಲ್ಲಾ ಆಯಾಮಗಳಲ್ಲೂ ತನಿಖೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ : ಸಾವಿನ ತನಿಖೆ ಎಲ್ಲ ಆಯಾಮದಲ್ಲೂ ನಡೆಯುತ್ತಿದೆ: ಗೃಹ ಸಚಿವ ಆರಗ ಜ್ಞಾನೇಂದ್ರ
