ಬಿಜೆಪಿ ಮುಖಂಡನ ಕಾಮೆಂಟ್​ಗೆ ಕೆರಳಿದ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ.. ಪರಸ್ಪರ ಅವಾಚ್ಯ ಪದಗಳಿಂದ ಕಿತ್ತಾಡಿಕೊಂಡ ನಾಯಕರು

ಫೇಸ್​ಬುಕ್ ಪೇಜ್​ನಲ್ಲಿ ಫೇಕ್ ಲೀಡರ್ಸ್ ಎಂಬ ಕಾಮೆಂಟ್​ಗೆ ಕೆರಳಿದ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಮತ್ತು ಬಿಜೆಪಿ ಮುಖಂಡ ಪರಸ್ಪರ ಅವಾಚ್ಯ ಪದಗಳಿಂದ ನಿಂದಿಸಿಕೊಂಡ ಘಟನೆ ಬೆಳಕಿಗೆ ಬಂದಿದೆ.

ದಾವಣಗೆರೆ: ಫೇಸ್​ಬುಕ್ ಪೇಜ್​ನಲ್ಲಿ ಫೇಕ್ ಲೀಡರ್ಸ್ ಎಂಬ ಕಾಮೆಂಟ್ ಮಾಡಿದ್ದಕ್ಕಾಗಿ ಬಿಜೆಪಿ ಮುಖಂಡನಿಗೆ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಅವಾಚ್ಯ ಶಬ್ದಗಳಿಂದ ನಿಂದನೆ ಮಾಡಿದ್ದಾರೆ. ದಾವಣಗೆರೆ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಹೆಚ್​ಬಿ ಮಂಜಪ್ಪ ಹಾಗೂ ಹೊನ್ನಾಳಿ ಬಿಜೆಪಿ ಮುಖಂಡ ಸುದೀಪ್ ನಡುವೆ ವಾಕ್ಸಮರದ ಆಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಫುಲ್‌ ವೈರಲ್ ಆಗ್ತಿದೆ.

ಕಾಂಗ್ರೆಸ್ ಕಾರ್ಯಕರ್ತ ಮಧು ಗೌಡ ಎಂಬ ಕೈ ಕಾರ್ಯಕರ್ತ ಜಿಲ್ಲಾಧ್ಯಕ್ಷ ಮಂಜಪ್ಪನವರ ವಿಡಿಯೋವನ್ನು ತನ್ನ ಫೇಸ್​ಬುಕ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದರು. ಆ ಪೋಸ್ಟ್​ಗೆ ಬಿಜೆಪಿ ಮುಖಂಡ ಸುದೀಪ್‌ ಫೇಕ್ ಲೀಡರ್ಸ್ ಎಂದು ಕಾಮೆಂಟ್ ಮಾಡಿದ್ದಕ್ಕಾಗಿ ಇಷ್ಟೆಲ್ಲ ರಾಧಾಂತಕ್ಕೆ ಕಾರಣ ಆಗಿದೆ. ಇಬ್ಬರು ಅವಾಚ್ಯ ಶಬ್ದಗಳಿಂದ ಪರಸ್ಪರ ನಿಂದನೆ ಮಾಡಿಕೊಂಡಿದ್ದಾರೆ.

ಓದಿ: ಅರಣ್ಯಾಧಿಕಾರಿಗಳಿಗೆ ನಿಂದನೆ, ಬೆದರಿಕೆ ಆರೋಪ.. ಶಾಸಕ ಸುರೇಶ್ ​​ಗೌಡ ವಿರುದ್ಧ ಎಫ್​ಐಆರ್​