ದಾವಣಗೆರೆ: ಇಂದು ಮತ್ತೆ 3 ಕೊರೊನಾ ಪಾಸಿಟಿವ್ ಪ್ರಕರಣಗಳು ಕಂಡು ಬಂದಿದ್ದು, ಸಂಚಾರ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ ಪೊಲೀಸ್ ಪೇದೆ ಹಾಗೂ ಬೆಳ್ಳುಳ್ಳಿ ವ್ಯಾಪಾರಿಗೂ ಹೆಮ್ಮಾರಿ ವಕ್ಕರಿಸಿದೆ.
ಕಂಟೈನ್ಮೆಂಟ್ ಝೋನ್ನಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ಪೊಲೀಸ್ ಪೇದೆಗೆ ಕೊರೊನಾ ಸೋಂಕು ತಗುಲಿದ್ದು, ಈಗ ಅವರ ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕದಲ್ಲಿದ್ದವರನ್ನು ಪತ್ತೆ ಹಚ್ಚುವ ಕೆಲಸ ನಡೆಯುತ್ತಿದೆ. ಪೇದೆ ಕೆಲಸ ಮಾಡುತ್ತಿದ್ದ ದಕ್ಷಿಣ ಸಂಚಾರಿ ಪೊಲೀಸ್ ಠಾಣೆಯನ್ನು ಸೀಲ್ಡೌನ್ ಮಾಡಲಾಗಿದೆ.
ದಾವಣಗೆರೆಯಲ್ಲಿ ಸೋಂಕಿತರ ಸಂಖ್ಯೆ 88ಕ್ಕೆ ಏರಿಕೆಯಾಗಿದ್ದು, 82 ಸಕ್ರಿಯ ಕೇಸ್ಗಳಿವೆ. 975 ಸೋಂಕಿತ ಪೊಲೀಸ್ ಪೇದೆಯಾದರೆ, 976ನೇ ರೋಗಿಯಾದ ಬೆಳ್ಳುಳ್ಳಿ ವ್ಯಾಪಾರಿಗೂ ಸೋಂಕು ತಗುಲಿದ್ದು ಆತಂಕಕ್ಕೆ ಕಾರಣವಾಗಿದೆ.
P-960ರ 40 ವರ್ಷದ ವ್ಯಕ್ತಿಗೆ P-852 ರಿಂದ ಸೋಂಕು ತಗುಲಿದ್ದರೆ, P-975ರ 34 ವರ್ಷದ ವ್ಯಕ್ತಿಗೆ ಕಂಟೇನ್ಮೆಂಟ್ ಝೋನ್ನಿಂದ ಸೋಂಕು ಬಂದಿದೆ. P-976ರ 32 ವರ್ಷದ ವ್ಯಕ್ತಿ ILI ನಿಂದ ಬಳಲುತ್ತಿದ್ದು, ಇವರಿಗೂ ಕೊರೊನಾ ಬಾಧಿಸಿದೆ.
