ಮಂಗಳೂರು: ಮತ ಚಲಾವಣೆ ಮಾಡುವ ಉದ್ದೇಶದಿಂದ ಬಸ್ ಚಾಲಕನೊಬ್ಬ ತನ್ನ ಮತಗಟ್ಟೆ ಸಮೀಪ ಬಸ್ ನಿಲ್ಲಿಸಿ ಮತದಾನ ಮಾಡಿದ ವಿಡಿಯೋವೊಂದು ಇದೀಗ ವೈರಲ್ ಆಗಿದೆ.
ಮತದಾನ ಮಾಡಲು ಬಸ್ ನಿಲ್ಲಿಸಿ ಓಡಿ ಬರುತ್ತಿರುವ ಬಸ್ ಚಾಲಕ
ದಕ್ಷಿಣಕನ್ನಡ ಜಿಲ್ಲೆಯ ಮೂಡಬಿದ್ರೆ ತಾಲೂಕಿನಲ್ಲಿ ಈ ದೃಶ್ಯ ಕಂಡುಬಂದಿದ್ದು ಬಸ್ ಚಾಲಕ ಓಡೋಡಿ ಮತ ಚಲಾವಣೆಗೆ ಹೋಗುತ್ತಿರುವ ದೃಶ್ಯ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಮಂಗಳೂರು - ಶಿವಮೊಗ್ಗ ಬಸ್ ಚಾಲಕರಾಗಿರುವ ವಿಜಯ್ ಶೆಟ್ಟಿ ಎಂಬುವರು ಮೂಡಬಿದ್ರೆಯ ಬೆಳುವಾಯಿಯಲ್ಲಿರುವ ತಮ್ಮ ಮತಗಟ್ಟೆ ಸಮೀಪ ಬಸ್ ನಿಲ್ಲಿಸಿ ಮತದಾನ ಮಾಡಿದ್ದಾರೆ. ಈ ವಿಡಿಯೋ ಇದೀಗ ವೈರಲ್ ಆಗಿದೆ.
