ಮೃತ ಕೊರೊನಾ ಸೋಂಕಿತನ ಶವ ಹೂಳಲು ಗುಂಡಿ ತೆಗೆದ ಯು ಟಿ ಖಾದರ್​

ದಫನಭೂಮಿಯಲ್ಲಿ ಗುಂಡಿ ತೆಗೆಯುವ ವೇಳೆಗೆ ಆಗಮಿಸಿದ ಖಾದರ್, ಕೆಲಸಗಾರರಿಂದ ಹಾಗೆ ಪಡೆದುಕೊಂಡು ತಾವೂ ಸಹ ನೆರವಾಗಿದ್ದಾರೆ.

ಮಂಗಳೂರು: ಕೊರೊನಾದಿಂದ ಸಾವಿಗೀಡಾದ 70 ವರ್ಷದ ವ್ಯಕ್ತಿಯ ಅಂತ್ಯಸಂಸ್ಕಾರಕ್ಕೆ ಮಾಜಿ ಸಚಿವ ಯು ಟಿ ಖಾದರ್ ಹಾರೆ ಹಿಡಿದು ಸ್ವತಃ ತಾವೇ ಗುಂಡಿ ತೆಗೆದಿದ್ದಾರೆ.

ಕೊರೊನಾ ಸೋಂಕಿತ ವ್ಯಕ್ತಿಯ ಶವಸಂಸ್ಕಾರ ಬೋಳಾರ ಜುಮಾ ಮಸೀದಿ ಆವರಣದಲ್ಲಿರುವ ದಫನ ಭೂಮಿಯಲ್ಲಿ ನಡೆಸಲಾಯಿತು. ಈ ದಫನಭೂಮಿಯಲ್ಲಿ ಗುಂಡಿ ತೆಗೆಯುವ ವೇಳೆಗೆ ಆಗಮಿಸಿದ ಖಾದರ್, ಕೆಲಸಗಾರರಿಂದ ಹಾಗೆ ಪಡೆದುಕೊಂಡು ತಾವೂ ಸಹ ಗುಂಡಿ ತೆಗೆಯುವ ಕಾಯಕ ಮಾಡಿದರು.

ಇವರ ಈ ಕಾರ್ಯಕ್ಕೆ ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.