ಮಂಗಳೂರು: ನಗರದ ಸುರತ್ಕಲ್ನ ಎನ್ಐಟಿಕೆ (ರಾಷ್ಟ್ರೀಯ ತಾಂತ್ರಿಕ ಮಹಾವಿದ್ಯಾಲಯ) ಸಂಸ್ಥೆಯು ವರ್ಚುವಲ್ ಫ್ಲಿಪ್ಡ್ ಕ್ಲಾಸ್ ರೂಂ ಅನ್ನು ಬಳಸಿಕೊಂಡು ಪರಿಣಾಮಕಾರಿಯಾಗಿ ಉಪನ್ಯಾಸ ನೀಡಲು ವ್ಯವಸ್ಥಿತ ಯೋಜನೆಯೊಂದನ್ನು ರೂಪಿಸಿ ನೂತನ ಸೆಮಿಸ್ಟರ್ ಅನ್ನು ಪ್ರಾರಂಭಿಸಿದೆ.
ಈ ಮೂಲಕ ವಿದ್ಯಾರ್ಥಿಗಳಿಗೆ ಬೋಧಕರಿಂದ ರೆಕಾರ್ಡ್ ಮಾಡಿರುವ ವಿಡಿಯೋದ ಉಪನ್ಯಾಸವನ್ನು ನೀಡಲಾಗುತ್ತದೆ. ಆ ಬಳಿಕ ವಿದ್ಯಾರ್ಥಿಗಳು ಹಾಗೂ ಬೋಧಕರ ನಡುವೆ ನೇರ ಸಂವಾದವನ್ನೂ ಸಹ ಇದರಲ್ಲಿ ಏರ್ಪಡಿಸಬಹುದಾಗಿದೆ.
ಈ ಮಾದರಿಯ ಬೋಧನಾ ವಿಧಾನವನ್ನು ಸಕ್ರಿಯಗೊಳಿಸುವ ಸಲುವಾಗಿ ಎನ್ಐಟಿಕೆ ಆಂತರಿಕ ಸಾಫ್ಟ್ವೇರ್ ಇಂಟಿಗ್ರೇಟೆಡ್ ರಿಸೋರ್ಸ್ ಆ್ಯಂಡ್ ಇನ್ಫಾರ್ಮೇಷನ್ ಶೇರಿಂಗ್ನಲ್ಲಿ ಶೈಕ್ಷಣಿಕ ಸಾಧನಗಳಾದ ಮೋಡಲ್, ಬಿಗ್ ಬ್ಲೂಬಟನ್ ಹಾಗೂ ಮೈಕ್ರೋಸಾಫ್ಟ್ ಟೀಂಗಳನ್ನು ಸಂಯೋಜಿಸಿದೆ.
