ಮಂಗಳೂರು: ಇಲ್ಲಿನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಾಂಬ್ ಇರಿಸಿ ಬಂಧನಕ್ಕೊಳಗಾಗಿರುವ ಆದಿತ್ಯ ರಾವ್ ಮಲೇರಿಯಾದಿಂದ ಗುಣಮುಖನಾಗಿದ್ದು, ಆಸ್ಪತ್ರೆಯಿಂದ ಜೈಲಿಗೆ ಶಿಫ್ಟ್ ಮಾಡಲಾಗಿದೆ.
ಜೈಲಿನಲ್ಲಿದ್ದ ಆದಿತ್ಯ ರಾವ್ಗೆ ಮಲೇರಿಯಾ ಜ್ವರ ಬಂದಿದ್ದು, ಫೆ. 25ರಂದು ವೆನ್ಲಾಕ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಬಳಿಕ ಗುಣಮುಖವಾಗಿರುವ ಆದಿತ್ಯ ರಾವ್ನನ್ನು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಮಾಡಿ ಜೈಲಿಗೆ ಶಿಪ್ಟ್ ಮಾಡಲಾಗಿದೆ.
ಪೊಲೀಸರು ಈತನ ಗುರುತು ಪತ್ತೆ ಪರೇಡ್ ಮಾಡುವ ವೇಳೆ ಈತ ಆಸ್ಪತ್ರೆಗೆ ದಾಖಲಾದ ಕಾರಣ ಗುರುತು ಪತ್ತೆ ಪರೇಡ್ ಮಾಡಲಾಗಿರಲಿಲ್ಲ. ಇದೀಗ ಗುರುತು ಪತ್ತೆಗೆ ಅನುಮತಿ ಕೋರಿ ಪ್ರಕರಣದ ತನಿಖಾಧಿಕಾರಿ ಮಂಗಳೂರು ತಹಶೀಲ್ದಾರರಿಗೆ ಪತ್ರ ಬರೆದಿದ್ದಾರೆ.
