ಮಂಗಳೂರು: ಕಾರು ಚಾಲಕನ ಎಡವಟ್ಟಿಗೆ ಶಾಲೆಯ ಪಾರ್ಕಿಂಗ್ ಪ್ರದೇಶದಲ್ಲಿದ್ದ ಕಾರು ಚರ್ಚ್ ಹಾಲ್‌ಗೆ ನುಗ್ಗಿದ್ದು, ಈ ಘಟನೆಯ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಚರ್ಚ್ ಹಾಲ್ ಗೆ ನುಗ್ಗಿದ ಕಾರು
ಮಂಗಳೂರಿನ ಬಿಜೈನಲ್ಲಿರುವ ಲೂರ್ಡ್ಸ್ ಶಾಲೆ ಬಳಿ ಈ ಘಟನೆ ನಡೆದಿದ್ದು ವೃದ್ಧರೊಬ್ಬರು ಮಕ್ಕಳನ್ನು ಕರೆದುಕೊಂಡು ಬರಲು ಕಾರಿನಲ್ಲಿ ಬಂದಿದ್ದರು. ಶಾಲೆಯ ಪಾರ್ಕಿಂಗ್ ಪ್ರದೇಶದಲ್ಲಿ ಕಾರು ನಿಲ್ಲಿಸುವಾಗ ತಪ್ಪಿ ಆಕ್ಸಿಲೇಟರ್ ಕೊಟ್ಟ ಪರಿಣಾಮ ಕಾರು ಮುಂದೆ ಚಲಿಸಿ ಅಲ್ಲಿಯೇ ಪಕ್ಕದಲ್ಲಿದ್ದ ಚರ್ಚ್ ಸಭಾಂಗಣಕ್ಕೆ ನುಗ್ಗಿದೆ. ಈ ಘಟನೆ ನಡೆಯುವುದಕ್ಕೆ ಸ್ವಲ್ಪ ಹೊತ್ತಿನ ಮುಂಚೆ ಶಾಲೆಯಿಂದ ಎಲ್ಲ ಮಕ್ಕಳು ಹೊರಹೋಗಿದ್ದರಿಂದ ಅದೃಷ್ಟವಶಾತ್ ಯಾವುದೇ ಅಪಾಯ ಸಂಭವಿಸಿಲ್ಲ.
