ಬಿಜೆಪಿ ಮುಖಂಡನಿಗೆ ಕೊರೊನಾ... ಕಾಂಗ್ರೆಸ್​ ರಾಜಕಾರಣಿಯ ಮನೆಯ ಮೂವರಿಗೆ ಸೋಂಕು

ಬಂಟ್ವಾಳ ತಾಲೂಕಿನ 8 ಮಂದಿಗೆ ಕೊರೊನಾ ವಕ್ಕರಿಸಿದ್ದು, ಸ್ಥಳೀಯರಲ್ಲಿ ಮತ್ತಷ್ಟು ಆತಂಕ ಹೆಚ್ಚಾಗಿದೆ.

ಬಂಟ್ವಾಳ: ತಾಲೂಕಿನ 8 ಮಂದಿಗೆ ಇಂದು ಕೊರೊನಾ ಪಾಸಿಟಿವ್ ದೃಢಪಟ್ಟಿದ್ದು, ಬಿಜೆಪಿ ಮುಖಂಡರೊಬ್ಬರಿಗೆ ಸೋಂಕು ತಗುಲಿದೆ.

ಕಾಂಗ್ರೆಸ್​​ನ ಪ್ರಮುಖ ರಾಜಕಾರಣಿಯ ಮನೆಯ ಮೂವರು ಸದಸ್ಯರಿಗೂ ಕೊರೊನಾ ವಕ್ಕರಿಸಿದೆ. ಎಲ್ಲರೂ ಕ್ಷೇಮವಾಗಿರುವುದಾಗಿ ಕುಟುಂಬದ ಆಪ್ತ ಮೂಲಗಳು ತಿಳಿಸಿವೆ. ಇದರಲ್ಲಿ ಕಾಂಗ್ರೆಸ್​ನ​ 82 ವರ್ಷದ ಹಿರಿಯ ರಾಜಕಾರಣಿಯೂ ಸೇರಿದ್ದಾರೆ.

ಉಳಿದಂತೆ ಪಾಣೆಮಂಗಳೂರಿನ ಯುವಕ, ಕುರಿಯಾಳ ಮತ್ತು ವಗ್ಗದ ತಲಾ ಒಬ್ಬ ಯುವತಿ, ಕುಳ ಗ್ರಾಮದ 50 ವರ್ಷದ ವ್ಯಕ್ತಿ ಸೇರಿದ್ದಾರೆ. 90ರ ವೃದ್ಧೆ, 35ರ ಮಹಿಳೆಗೂ ಕೊರೊನಾ ಸೋಂಕು ತಗುಲಿದೆ.