ಮಂಗಳೂರು: ಕೊರೊನಾ ಹಿನ್ನೆಲೆಯಲ್ಲಿ ಕುವೈತ್‌ನಲ್ಲಿ ಅತಂತ್ರರಾಗಿರುವ ಕರಾವಳಿ ಕನ್ನಡಿಗರನ್ನು ಕರೆತರುವ ಮೊದಲ ವಿಮಾನ ಜುಲೈ 4 ಕ್ಕೆ ಮಂಗಳೂರು ತಲುಪಲಿದೆ.
ಕುವೈತ್‌ನಿಂದ ಮಂಗಳೂರಿಗೆ ನೇರ ವಿಮಾನಯಾನ ಬೇಡಿಕೆಯನ್ನು ಸರ್ಕಾರಕ್ಕೆ ಸಲ್ಲಿಸಲಾಗಿದ್ದರೂ ಈವರೆಗೆ ಪರವಾನಗಿ ಸಿಕ್ಕಿಲ್ಲ. ಹಲವು ಬಾರಿ ಕುವೈತ್‌ನಿಂದ ಮಂಗಳೂರಿಗೆ ವಿಮಾನ ಸಂಚಾರ ನಿಗದಿಯಾಗುತ್ತಿದ್ದರೂ ಬೇರೆ ಬೇರೆ ಕಾರಣದಿಂದ ರದ್ದಾಗುತ್ತಿತ್ತು. ಇದೀಗ ಸತತ ಪ್ರಯತ್ನದ ನಂತರ ಜುಲೈ 4 ಕ್ಕೆ ಮಂಗಳೂರಿಗೆ ಬಾಡಿಗೆ ಚಾರ್ಟರ್ಡ್ ವಿಮಾನ ಆಗಮಿಸಲಿದೆ.
ಕೇಂದ್ರದ ವಂದೇ ಭಾರತ್ ಮಿಷನ್ ಸೇರಿದಂತೆ ಖಾಸಗಿ ಚಾರ್ಟರ್ಡ್ ವಿಮಾನಗಳು ಸರದಿಯಂತೆ ವಿದೇಶದಿಂದ ಅನಿವಾಸಿ ಭಾರತೀಯರನ್ನು ಕರೆ ತರುತ್ತಿವೆ.
